Nam bơsram 2026 - 2027, càr Dăk Lăk neh rơndăp tăp sèng wơl mpồl hìu bơsram, gam 625 hìu, gơmù rơlao nggùl pơn drờm mờ nam bơsram lài. Mơya, broă ờ tơl cau pơgru, jơdŭ bơsram, jơdŭ lơh broă geh gơnoar mờ phan bơto bơsram, broă lơh jăt ơm ngai tơn, ơm sa bic tơn kung gam pơn jăt tai là broă dờng.

Nàng bơsong, gah Bơto bơtê mờ Bơsram càr Dăk Lăk dan bơtơl rơlao 6 rơbô 700 nă cau pơgru tàm tơngai bơh nam 2026 tus 2030. Gah do kung geh jơnau kờñ “Tam gơl bồ tơngoh – Tam gơl pràn kơl dang – Cồng nha mùl màl”, lơh jăt kơrnoăt “tơrmù nàng tơnguh”, tơn jơh sră nggal ndrờm bal, tơrmù 50% dơ̆ pơrlòng, broă lơh geh lơh jăt bal; mờ tơrgùm bơsong broă jơnkah, ờ tơl cau pơgru mờ lơh pràn tam gơl sồ tơl ală bơta. Gah Bơto bơtê mờ Bơsram càr Dăk Lăk pal tam gơl pràn kơl dang bơh tam gơl gùng dà broă lơh tus mờ lơh geh cồng nha mùl màl, tàm hơ̆ bơta tờm ai bơta niam mùl màl mờ broă gơguh jăk bơh kơnòm bơsram lơh bơta was.