VOV.K’Ho – Mho ngai 03/02, tàm Hìu lơh broă Cíñ phủ, Thủ tướng ồng Phạm Minh Chính wă Tiến sỹ ồng Philipp Rosler – Củ tịc Anih cribơyai lơh sa Thụy Sĩ – Việt Nam (SVEF) bal mờ 20 mpồl lơh sa kă bro Thụy Sĩ mờ câu Âu tus nàng jòi git tŭ niam lơh broă bal, bơcri priă tàm lơgar Việt Nam.

VOV.K’Ho – Mang ngai 03/02, tàm Hìu đơs crih Hồ Gươm, ƀòn dờng Hà Nội, tơngkah kir sơnrai 96 nam Ngai crơng gơs Đảng Kộng sản Việt Nam (03/02/1930 – 03/02/2026), Mpồl rơndap broă dà lơgar pơgồp bal mờ Sră ƀău Kộng sản, Ƀău Ñân zân, Anih sơñio rùp Việt Nam mờ Mpồl cau lơh ƀău Việt Nam bơyai lơh dơ̆ jờng rơ Ƀí thư ci ƀộ jak ngan mờ yal, jàu khà jờng Mut mơ̆ rơmit dơ̆ X nam 2025.

VOV.K’Ho- Drà tac phan sa tềp tàm càr Dăk Lăk sơn đờm duh hồl mờ khà blơi phan geh kờp dŭ lài gơguh 30% pơndrờm mờ khà kờp bal pah nhai. Tềng đap jơnau kờñ gơguh uă, gah lơh broă geh gơnoar tàm càr Dăk Lăk bal mờ ală mpồl bal, cau nă să is tac bro ală bơta phan ngui sa drơng sa tềp neh mờ gam lam lơh uă broă lơh gàr kơ̆ giă priă, rơcang lài phan tac, pleh bơta ờ tơl mpồl lơh gơlik phan, ờ lời gơlik geh bơta ờ tơl phan, bơh hơ̆ gàr niam gơnoar kuơ mờ drơng jơnau kờñ blơi phan bơh làng bol dê.

VOV.K’Ho- Mho òr (03/02), tàm Hìu lơh broă Đảng Dà lơgar, Tổng Ƀí thư ồng Tô Lâm neh wă Củ tịc Hạ viên lơgar Jordan ồng Mazen Turki El Qadi di dơ̆ còp ngan ngồn lơgar Việt Nam.

VOV.K'Ho- Mờ tơngu me “Càr Dăk Lăk – Tơrgùm mờ Bơtàu tơnguh”, nam 2026, càr Dăk Lăk lơh jăt ndrờm bal uă broă lơh hòi jà lòt nhơl bơh broă lơh chờ, broă lơh geh lơh jŏ jòng tàm nam.

VOV.K'Ho- Di tơnkah 96 nam Ngai crơng gơs Đảng Kộng sản Việt Nam (3/2/1930 – 3/2/2026), drim òr (03/02), Mpồl Kwang bàng ala măt Mpồl duh broă Đảng Dà lơgar, Quốk hội, Củ tịc lơgar, Cíñ phủ, Anih duh broă Mặt trận Dà lơgar Việt Nam neh pơdơng goàng bơkào mờ mŭt tàm Gơlăng ies Củ tịc Hồ Chí Minh.

VOV.K’Ho- Tơngkah kir sơnrai 96 nam Ngai tơnggơs Đảng Kộng sản Việt Nam, gờm chờ Pơrjum dờng cau ala mat gùt lơgar dơ̆ 14 lơh geh cồng nha niam bơnĕ, drim òr (03/02), tàm Hìu lơh broă Đảng dà lơgar neh bơyai lơh dơ̆ jàu Gai lòng 45 sơnam Đảng pà ai ồng Tô Lâm, Tổng Ƀí thư Mpồl đơng lam Đảng Kộng sản Việt Nam.

VOV.K’ho- Drà nam pa 2026 sơn đờm mut lơh drim ngai 02/02 tàm Anih tờm Ràng tơlik Việt Nam mờ tơngume “Tàm tơrbŏ bal bơtàu tơnguh – wă rò nam pa gơ glŏ gơ crà”.

VOV.K’Ho- Mang òr (02/02), tàm Hà Nội, Tổng Ƀí thư ồng Tô Lâm tus bal tơn jơh, jàu khà jờng dơ̆ pơrlòng “Cơnđuà kơ̆ hơ đơm bồng bi Đảng” cih bè Đảng dờng màng, Wa Hồ kờñ gơboh.

VOV.K’Ho- Ngai òr (02/02), Anih duh broă mặt trận dà lơgar Việt Nam càr Dăk Lăk bơyai lơh Pơrjum cribơyai dơ̆ 1, ring bal mat bơh sơn rờp 22 nă cau geh yal tơnggit tơlik mat tĕ khà cau ala mat Quôk hội khoă XVI, tơngai lơh broă bơh nam 2026 tus nam 2031.