Tổng Bí thư, Chủ tịch lơgar pà gĭt, dơ̆ lòt sền, jat sền dơ̆ do lòt jrô tàm broă lơh kwang bàng mờ broă lơh jat ală Jơnau lơh nền tàm pơrjum, gùng dà broă lơh bơh Dà lơgar, Bộ Chính trị dê bơh bồ nam 2025 tus tŭ do. Tơrgùm kờp cồng nha lơh broă neh yal loh bơta lơh ngan bơh mpồl kwang bàng lơh broă mờ mpồl kwang bàng dê. Ồng Tô Lâm- Tổng Bí thư, Chủ tịch lơgar đơs sùm, dà lơgar mut tàm tơngai bơtàu tơnguh pa, sồr pal lơh sir kơrnoat boh lam mhar rlau, ring bal rlau, rềp mờ bơta geh ngan rlau. Quốc hội pal mơlà gàr niam duh rơngòt kơrnoat boh lam, gròi sền kràñ gơnăp gơnoar mơlà lơh geh ù tiah tam gơl pa, lơh geh bơta pràn lơh broă mờ bơsong tơl bơta pràn.

Bơh cồng nha lòt sền, jat sền, Tổng Bí thư, Chủ tịch lơgar sồr Mpồl Lơh kơnòl broă sùm Đảng ủy Quốc hội tơrgùm đơng lam, sồr lơh 6 kơnòl broă, broă bơsong tờm. Kwang bàng tă pơgồp jơnau đơs lơh adat boh lam, kơlôi sơnơng broă lơh pal tus rềp uă rlau tai mờ bơta geh ngan atbồ ƀòn lơgar, lơh sa kă bro mờ rài kis làng bol dê.