Tàm dơ̆ wă, ồng Trần Thanh Mẫn, Chủ tịch Quốc hội đơs sùm, dơ̆ lòt còp bơh Mpồl dê pơgồp bơnah lơh jrô ơnàng làm uă rlau tai Jơnau ring bal lơh broă bal đah anih lơh broă lơh adat boh lam 2 lơgar dê (kĭ hơ nam 2024) mờ ngai sơlơ geh kwơ rlau tai tàm tơngai 2 gah gam jơh nùs lam lơh bơta gĭt gơ̆p Tam klăc lơh broă bal Jŏ jòng Tơl làm, Mpồl bơtiàn tam pà bal rài tơnơ̆ do Việt Nam mờ Lo geh gơtha jŏ jòng.

Bàr nă kwang đơng lam bồ ring bal đơs là, bơta buơn, bơta pràn mờ ù tiah lơh broă bal đah 2 lơgar, is ồn là bè lơh sa, kă bro, bơcri priă gam dờng ngan. Bàr gah ring bal đơs là, Việt Nam mờ Lo sơlơ pal tam klăc bal, tă pơgồp bơta pràn, dùl nùs bal nàng lơh jat gùng lòt lòt guh chủ nghĩa xã hội mờ bơtàu tơnguh dà lơgar tàm rài tơnơ̆ do; mờ anih lơh broă lơh adat boh lam 2 lơgar pal sơlơ tơnguh tai pơgồp bal, tam pà bal mờng chài lơh adat boh lam, jat sền, nàng kờñ bơt bơtàu tiah lơh adat boh lam ngai sơlơ ƀuơn ngan rlau tai ai bơta bơtàu tơnguh lơh sa mờ lơh broă bal 2 lơgar dê.