Mpồl lơh broă ndơ̆p ndơr Sài Gòn chu ñàng kah kơlôi cau ling chơ̆t màng tàm Suơn bal Lê Thị Riêng
Thứ năm, 06:00, 17/09/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Drim òr (16/09), Mpồl tam lơh Mpồl lơh broă ndơ̆p ndơr Sài Gòn - Gia Định bal mờ mpồl yal tơngĭt jơnau Mpồl lơh broă ndơ̆p ndơr đah Jum mat tơngai mut, Mpồl 67A, Thiếu sinh quân mờ hìu ơn prăp phan kwơ yau Mpồl lơh broă ndơ̆p ndơr Sài Gòn - Gia Định neh tus kah kơlôi ală cau khin cha jak chài, cau ling chơ̆t màng tàm Suơn bal Lê Thị Riêng.
Jat jơnau yal bơh Gah đơng lam ling klàng ƀòn dờng Hồ Chí Minh dê, bơh ngai 23/6 tus ngai 14/9, ală mpồl neh gĭt gŏ, rồ tơrgùm 632 ƀồc ntìng cau ling chơ̆t màng tàm ală tiah lòt jòi tàm tiah Suơn bal Lê Thị Riêng.
Geh mat lùp còp mpồl lơh broă Ndơ̆p ndơr Sài Gòn, Thiếu tướng ồng Nguyễn Thành Trung, Chính ủy Gah đơng lam ling klàng ƀòn dờng Hồ Chí Minh pà gĭt, mpồl ling gam lơh tơn jơh tơngai dơ̆ 1 bơh Broă lơh dờng 500 ngai mang lòt jòi, rồ tơrgùm mờ đal gĭt mat ƀồc ntìng cau ling chơ̆t màng, tàm hơ̆ geh tiah suơn bal Lê Thị Riêng. Kờp dŭ tàm bồ nhai 10 nam 2026, anih lơh broă geh gơnoar rơ̆p lơh dơ̆ ies tơ̆p ƀồc ală ƀồc ntìng cau ling chơ̆t màng geh jòi gŏ tàm Suơn bal Lê Thị Riêng.
Viết bình luận