Cribơyai mờ ală cau bơsram Ơdŭ bơto pơlam, yal jơnau git wă mìng dùl tơngume “Tơnguh pràn jak đơng lam lơh jat Chính phủ dê, lơh gơlik bơta tam gơl pràn ai bơtàu tơnguh mhar, kơnhăp kơ̆ mờ gơguh tai bàr nơm khà”, ồng Lê Minh Hưng, Thủ tướng Chính phủ đơs sùm, Pơrjum dờng dơ̆ XIV Đảng dê là tŭ tơngai kah yau kuơmàng, ngan ngồn pờ gơs rài bơtàu tơnguh pa jơi bơtiàn Việt Nam dê.

Nàng lam lơh ngan ngồn 2 jơnau kờñ kuơmàng 100 nam (tus nam 2030, gơ gơs là lơgar gam bơtàu tơnguh geh lơh sa mờ măi mok pa, priă lơh geh kờp bal uă mờ tus nam 2045, gơ gơs là lơgar bơtàu tơnguh, priă lơh geh uă), gơl gùng 5 nam, bơh nam 2026 tus nam 2031 geh gơtha kuơmàng is ồn ngan, lơh gơlik bơta tờm kơnhăp kơ̆ ai tŭ tơngai pơn jat tai in, tàm hơ̆, rài lơh sa pal tam gơl pràn, lơh geh khà gơguh tai bàr nơm khà. Bal mờ ală gùng dà, jơnau lơh nền dờng, di ngan, cèng bơta tam gơl pràn Đảng, Dà lơgar dê, dùl bơta tờm nàng lam lơh ngan ngồn jơnau kờñ do là pal lơh gơlik ală tam gơl niam, pràn kơldang, ngan ngồn bè pràn jak đơng lam lơh jat Chính phủ dê, mờ kung lơh niam ngan rlau jơh pràn jak lơh jat ngan ngồn ală kâp, ală gah broă lơh mờ ƀòn lơgar dê.