Tàm dar pơrjum, ală cau ala măt neh pơgồp jơnau đơs bè ală jơnau rơcang cih adăt boh lam, jơnau lơh nền tàm pơrjum: Adăt Ù tiah (tam gơl); Adăt hìu ơm (tam gơl); Adăt kă bro ù lơh hìu, hìu ơm (tam gơl); Adăt Kes priă dà lơgar (tơrgùm dùl) Adăt tam gơl, bơtơl ờ uă bơta tàm Adăt Bơcri priă; Adăt Lơh jăt làng bol lơh tờm tàm ƀòn lơgar (tam gơl)…

Ồng Lê Minh Hưng, Thủ tướng Chính phủ sồr jal mhar lơh gơs jơh sră nggal bơh ală jơnau rơcang cih adăt boh lam, jơnau lơh nền tàm pơrjum mờ đơs nền jơnau kờñ geh sùm là pal lơh gơlòt niam mờ ngui geh cồng nha priă geh; sền gàr gơnăp gơnoar, bơta kwơ di mờ adăt boh lam bơh làng bol, mpồl lơh sa kă bro dê, tơnguh uă bơta pràn, cồng nha atbồ dà lơgar. Kung tàm dar pơrjum, Thủ tướng Chính phủ đơs nền pơn jăt tai sồr lơh, lơh pràn broă bơcri priă dà lơgar, bơsong ală kal ke, gơkòl nàng ai ală rơndăp broă gam gơlời, tơnjŏ tơngai mŭt lơh broă. Bal mờ hơ̆, pơn jăt tai gàr kơl jăp lơh sa dờng, sền gròi phan kă bro gơguh khà priă kas ir, gàr niam ală bơta ndrờm bal dờng. Bộ Bơto bơtê mờ Bơsram pal bơsong jơh, tơn jơh broă ờ tơl sră măi, gàr bơta niam mờ kloh niam tàm phan sa tàm ală hìu bơsram…