Mpồl K51 (càr Dăk Lăk) lòt gùng lòt jòi, rồ tơrgùm ƀồc ntìng cau chơt màng tàm lơgar Campuchia
Thứ năm, 06:00, 17/09/2026
Cau mblàng: K’Duẩn/VOV Tây Nguyên
Cau mblàng: K’Duẩn/VOV Tây Nguyên
VOV.K’Ho- Lam lơh Broă lơh dờng 500 ngai mang, drim ngai 16/9, Mpồl sồr lơh bè lòt jòi, rồ tơrgùm mờ đal git mat ƀồc ntìng cau chơt màng (Mpồl sồr lơh 515) càr Dăk Lăk bơyai lơh ai cau lơh broă, jàu kơnòl Mpồl K51 in lam lơh kơnòl broă lòt jòi, rồ tơrgùm ƀồc ntìng cau chơt màng ling dong kờl is mờ cau geh jơnau git wă jrô lơgar Việt Nam chơt phi să tàm lơgar Campuchia, kàl prang nam 2026 - 2027.
Đơs jàu kơnòl broă, ồng Đào Mỹ, Phó Chủ tịch Anih duh broă Làng bol càr, Lam bồ Mpồl sồr lơh 515 càr Dăk Lăk sồr Mpồl K51 gàr kơ̆ nùs nhơm chính trị, lơh jat nền nòn jơnau pal jat Ling klàng, jơnau sồr lơngăp lơngai mờ adat boh lam lơgar Campuchia dê; mờ kung rơcang lài pơgồp bal mờ mpồl lơh broă geh gơnoar mờ gơnoar atbồ lơgar Campuchia tàm tŭ lơh kơnòl broă.
Đơng lam càr Dăk Lăk kung sồr mpồl lơh niam broă lơh lơh broă mờ lơgar ndai ling klàng, hòi jà làng bol, pơgồp bơnah gàr kơ̆ bơta git gơp lơh bơyô, tam klac bal ờs mờng đah Việt Nam mờ Campuchia. Ala mat Mpồl K51 đơs nền nùs nhơm lơh ngan bơsong kal ke, lam lòt jòi jak chài, nền nòn, lơngăp lơngai, jun tai ƀồc ntìng cau chơt màng rê mờ Dà lơgar tờm.
Viết bình luận