Chờ hờp bal mờ ală oh dềt tàm broă lơh Trung thu kờñ gơboh Sòl pơnđàng bơta kơp kờñ bơh Hìu bơsram Mầm non Trung Môn (sơnĕ Kim Phú) dê, mò Phạm Thị Thanh Trà, Phó Thủ tướng neh lùp còp, pơn jờng, jàu phan Trung thu mờ pơyua ală jơnau nting bơr niam bơnĕ tus ală sau dềt; jàu pà Hìu bơsram Mầm non Trung Môn, sơnĕ Kim Phú in 1 nơm tivi drơng broă lơh bơto bơsram, nhơl ñŏ ală sau dê; Mpồl kung jàu pà 30 nơm măi tính ai 6 sàh geh: Đồng Yên, Tiên Yên, Liên Hiệp, Nhữ Khê, Phú Lương mờ Trường Sinh, pơgồp bơnah sơlơ bơ tơl phan bơna, drơng ngui măi mok yal tơnggit jơnau mờ tam gơl sồ tàm kâp hơ đơm.

Phó Thủ tướng Phạm Thị Thanh Trà sồr càr Tuyên Quang pơn jat tai lời ai bơta sền gròi niam rlau, ngan là anih bơsram sră, ală bơta pal geh nàng ală hìu bơsramn, anih bơto bơtê bơtàu tơnguh rlau tai; ală pơgru pơn jat tai lời ai bơta kờñ gơboh tơl làm ală oh in, kơlôi rơcang, gròi sền ală oh in nàng pah ngai lòt bơsram là dùl ngai chờ hờp.