Tŭ do, Anih kơlôi sơnơng Sinh học neh dờp, ơn prap 37 rơbô 610 mẫu ƀồc ntìng cau ling chơ̆t màng bơh 8 tiah. Bơdìh mờ mẫu ƀồc ntìng cau ling chơ̆t màng, Anih tờm gam lam lơh dờp mẫu sinh phẩm cau pròc mhàm cau ling chơ̆t màng dê nàng sền mờ tàm pơn drờm, pơgồp bal mờ ală jơnau yal tơngĭt ADN cau pròc mhàm bơh Cục Cảnh sát atbồ sră pơ àr gơnoar atbồ bè rơndăp tăp sèng mpồl bơtiàn, Bộ Kwang àng atbồ.

Đơs tàm dơ̆ lơh broă, mò Phạm Thị Thanh Trà, Phó Thủ tướng sồr, Anih kơlôi sơnơng Jak chài mờ Măi mok Việt Nam sền sơ wì bơh sơn rờp bè cồng nha lơh tơrlòng lài bơh broă lơh pa dê, yal mờ Mpồl đơng lam, Thủ tướng mờ Phó Thủ tướng Chính phủ; Mpồl pơlam tàp măi mok pa ai mpồl lơh jat broă lơh sền gĭt ADN in... Jat tàm ală bơta hơ̆ lam lơh dùl ròt gơwèt mờ ală mpồl lơh broă geh gơnoar kơnòl broă ai mẫu, đal gĭt mat ƀồc ntìng cau ling chơ̆t màng dê.