Jat rơndap ù tiah, tiah drà Quy Nhơn geh bă ù mờr 1 rbô 191 kơi sồ vuông, geh 19 mpồl lơh broă sră pơ àr gơnoar atbồ, khà kờp làng bol tŭ do mờr 884 rbô nă cau. Quy Nhơn geh pơlam gùng lài gơ gơs là tiah tờm jak chài, tam gơl pa bơceh lơh mờ bồ tơngoh jak kòn bơnus lơh gơs ndrờm pal kơnhoàl ù tiah rềp bal mờ ală lơgar; bơtàu tơnguh jat tàm lơh sa dà lềng, lơh sa mờ măi mok pa, logistics mờ broă drơng ala geh bơta niam uă.

Tàm tŭ hơ̆, tiah drà Pleiku geh bă ù mờr 1 rbô 263 kơi sồ vuông, geh 13 mpồl lơh broă sră pơ àr gơnoar atbồ, khà kờp làng bol mờr 559 rbô nă cau. Pleiku geh git nền là tiah drà tờm Tây Nguyên dê, là gah gơguh tai tiah đah mat tơngai mut, at gơnoar broă tàm tơrbŏ tiah Tây Nguyên mờ tiah kềng gah dà lềng mờ ală mpồng nhàr lơgar ală lơgar. Pleiku rơp bơtàu tơnguh jat broă lơh tơrlòng lài uă gah, uă gùng kềng, tơrgùm tàm broă lơh sa suơn sre ngui măi mok pa, lơh mờ măi mok lơh gơlik phan jrô, logistics, kă bro phan - broă drơng ala mờ lòt nhơl brê bơnơm, niam chài. Jơh bal 2 tiah drà geh pơlam gùng lài lơh geh ală jơnau sồr gơ gơs tiah drà khà 2 tàm nam 2050.