Dơ̆ lòt lơh broă neh đơs nền gơnoar broă ală lơgar bơh Việt Nam dê mờ lơh geh uă tŭ niam lơh broă bal ngan ngồn. Tàm Pơrjum kâp dờng BRICS dơ̆ 18, ồng Lê Minh Hưng, Thủ tướng Chính phủ neh geh jơnau đơs sồr lơh kuơmàng, tơrgùm tàm ală broă kuơmàng geh lơgar tờm lơh pơrjum là Ấn Độ bal mờ ală lơgar geh jơng tàm BRICS sền gròi.

Tàm dơ̆ lòt lơh broă, Thủ tướng Lê Minh Hưng neh geh dơ̆ pơrjum kâp dờng 2 gah kuơmàng mờ Thủ tướng lơgar Ấn Độ ồng Narendra Modi. Do là dơ̆ nàng Đơng lam bàr Chính phủ sền nền wơl, kơlôi sơnơng broă lam lơh lơh broă bal kờp bơh tơnơ̆ dơ̆ lòt còp kah yau bơh ồng Tô Lâm, Tổng Bí thư, Chủ tịch lơgar dê tus Ấn Độ - tŭ tơngai mờ 2 lơgar tơnguh bơta git gơp gơ gơs Lơgar lơh broă bal jŏ jòng tơl làm gơguh tai. Bàr gah ring bal ală gùng dà, broă lơh mùl màl nàng kờñ lam lơh jat ngan ngồn ală jơnau ring bal kâp dờng tàm tơngai tus.