Tàm Gia Lai, ồng Hồ Quốc Dũng, Phó Thủ tướng Chính phủ tus bal Dơ̆ sơn đờm mut nam bơsram pa tàm Hìu bơsram ơm sa bic tơn kâp 1 mờ kâp 2 Ia Púch. Hìu bơsram do geh lơh tàm bă ù ơnàng rlau 5 lồ, priă bơcri lơh mờr 178 tơmàn đong, geh 26 ơdŭ, drơng jơnau kờñ bơsram sră, ơm sa bic tơn mờ ơm sa ngai ai mờr 800 nă kơnòm bơsram in, tàm hơ̆ geh uă kơnòm bơsram kòn cau Jarai.

Do là dùl tàm 7 hìu bơsram ơm sa bic tơn bàr kâp tàm ală sàh tiah nhàr lơgar càr Gia Lai dê ai ngui tàm nam bơsram do. Tàm càr Khánh Hòa, ồng Nguyễn Khắc Định, Phó Chủ tịch Quốc hội tus bal dơ̆ sơn đờm mut nam bơsram pa, pà phan pơgru mờ kơnòm bơsram Hìu bơsram kòn cau ơm sa bic tơn kâp 1 mờ kâp 2 Pi Năng Tắc, mờ mờr 480 nă kơnòm bơsram jơi bơtiàn dồ êt nă cau. Hìu bơsram pa geh bơcri priă lơh rlau 83 tơmàn đong. Di dơ̆ do, 4 hìu bơsram kâp 1 tàm Tiah is ồn Trường Sa, càr Khánh Hòa kung neh dơ̆ lĕ bal bơyai lơh sơn đờm mut nam bơsram pa.