Tềng đăp rùp hin Chủ tịch Hồ Chí Minh, ồng Tô Lâm- Tổng Bí thư, Chủ tịch lơgar bal mờ ală cau ala mat  neh jơh nùs chu ñàng tơngŏ nùs nhơm gĭt ưn ngài uă ngan gơwèt mờ Chủ tịch Hồ Chí Minh, kwang đơng lam dờng màng ngan bơh làng bol Việt Nam dê; cau lơh broă jak chài bơh srơh kộng sản mờ cau lơh phan ală lơgar dê. Cau neh tă pơgồp dà kơl hề, jàu phi jơh rài kis ai broă lơh tơngklàs jơi bơtiàn, tam lơh ai ring lơngai mờ chờ hờp bơh jơi bơtiàn Việt Nam mờ làng bol dunia dê.

Ală tềl lời wơl, sră nggal, phan lời kir gam geh ràng tơlik tàm Tiah Tềl lời wơl Chủ tịch Hồ Chí Minh tàm Phủ Chủ tịch dê ngan là ală cơng tàng niam ngan mờ ngan ngồn ngan rlau jơh, yal rài kis, broă lơh, bồ tơngoh, nùs nhơm mờ rài kis bơh Wa Hồ dê. Tŭ do, ală sră nggal, phan lời kir bè Wa Hồ dê tàm do kung gam geh sền gàr niam ngan, pơgồp bơnah drơng broă gal ngan làng bol tus sền, kơlôi sơnơng, bơsram bè rài kis, broă lơh, bồ tơngoh, nùs nhơm mờ rài kis Hồ Chí Minh dê.