Jăt jơnau lơh nền tàm pơrjum bơh Mpồl đơng lam Đảng bộ càr Dăk Lăk dê, Đảng bộ Anih duh broă Mặt trận Dà lơgar mờ ală mpồl lơh broă càr Dăk Lăk geh 9 mpồl đảng gơwèt bal, mờ 315 nă đảng viên.

Mpồl Lơh kơnòl broă sùm Tỉnh ủy pồ ồng Y Giang Gry Niê Knơng, Phó Bí thư Tỉnh ủy, Chủ tịch Anih duh broă Mặt trận Dà lơgar Việt Nam càr at gơnoar broă Bí thư Đảng ủy tơngai lơh broă bơh nam 2025 tus 2030. Đảng bộ Mpồl duh broă Làng bol càr Dăk Lăk geh 4 mpồl đảng gơwèt bal, mờ 60 nă đảng viên. Mò Cao Thị Hoà An, Phó Bí thư Duh broă sùm Tỉnh ủy, Chủ tịch Mpồl duh broă Làng bol càr geh pồ at gơnoar broă Bí thư Đảng ủy Mpồl duh broă làng bol càr tơngai bơh nam 2025 tus 2030. Bal mờ hơ̆, Mpồl đơng lam Đảng ƀộ càr Dăk Lăk tơlik jơnau lơh nền nàng tam gơl măt sơnđan Mpồl Mblàng yal bơto bơtê mờ Hòi jà làng bol Tỉnh ủy gơs Mpồl Mblàng yal bơto bơtê Tỉnh ủy; gơnoar broă pơlam bè broă hòi jà làng bol geh Đảng ủy Anih duh broă Mặt trận Dà lơgar mờ ală mpồl lơh broă càr dê. Bàr đảng bô pa jal mhar lơh gơs kơrnoăt lơh broă, tam pà kơnòl broă loh làng, gàr niam broă bơyai lơh bal mờ broă lơh geh niam sùm mờ gàr bơta tàm pơn jăt bal.