Jăt Mpồl Mblàng yal mờ Bơto bơtê Dà lơgar yal, Pơrjum geh bơyai lơh nàng dong kờl kwang bàng, đảng viên in git loh tơngu me tờm, bơta pa, bơta tờm bơh ală Jơnau lơh nền tàm pơrjum, Kơrnoăt sồr dê; tàm tơngu me hơ̆ lơh mùl màl jơh broă lơh, broă rơndăp lơh di pal mờ mùl màl, geh cồng nha; pơgồp bal tàm broă tơnguh uă kơnòl broă bơh kấp ủy, mpồl đảng, cau lam bồ tàm broă lơh jăt; gàr niam ală Jơnau lơh nền tàm pơrjum, Kơrnoăt sồr mờ Tơngu me jơh gùt tơngai lơh jăt geh lơh ndrờm bal, lơh niam bơh Dà lơgar tus tàm ală tiah; ai geh nùs nhơm ring bal, ndrờm bal, tơnguh nùs nhơm pin dờn, lơh geh nùs nhơm lơh ngan chính trị mờ nùs nhơm tam gơl pa,bơceh lơh tàm gùt Đảng, gùt làng bol, gùt ling klàng, lơh geh cồng nha ală jơnau kờñ, kơnòl broă kăc màng tàm tơngai pa. Ală tơngu me geh lơh jăt tàm Pơrjum do rơ̆p pơgồp bal lơh geh jơnau git wă bal, mờ lơh geh broă lơh ndrờm bal tàm gùt Đảng mờ gùt mpồl lơh broă chính trị.