Đơs tàm dơ̆ tìp măt, ồng Tô Lâm, Tổng Bí thư, Chủ tịch lơgar pà gĭt Ală mpồl gơ̆p bơyô Việt Nam là mpồl cau tờm ngan, mờng drơng kơnòl bơh broă lơh broă mờ lơgar ndai làng bol dê. Tổng Bí thư, Chủ tịch lơgar đơs sùm, do là anih, gơnoar broă mờ Đảng, Dà lơgar, Làng bol neh tơnggơs mơkung là kơnòl, jơnau kờñ bơh Ală mpồl gơ̆p bơyô Việt Nam dê pal lơh jăt mờ lơh geh cồng nha loh làng.

Đòm jăt bơhiàn ờs mờng lơh broă mờ lơgar ndai làng bol dê tàm jơh gùt tŭ tơngai jòng kah yau bơh jơi bơtiàn Việt Nam dê mờ đòm jăt bơceh lơh bồ tơngoh cribơyai broă mờ lơgar ndai Hồ Chí Minh dê, Tổng Bí thư, Chủ tịch lơgar dòn kơnờm, Ală Mpồl gơ̆p bơyô Việt Nam rơ̆p mùl màl gơgơs là mpồl cau ngăc ngar, rơcăng lài bơ̆t bơtàu bơta pin dờn, ai bơta pin dờn lơh gơgơs bơta pràn, mờ bơh ală broă lơh loh làng, pơgồp bơnah ai dà lơgar tam gơl pràn tàm rài brồ să.