Pơrjum Anih duh broă kấp dờng bè Tơrgùm bal priă jền mpồl ASEAN
Thứ tư, 06:00, 16/09/2026
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV.K'Ho- Ngai òr (15/09), tàm càr Quảng Ninh, Anih priă jền Dà lơgar Việt Nam mờ Anih priă jền Dà lơgar lơgar Indonesia bơyai lơh Pơrjum bal Anih duh broă kấp dờng bè Tơrgùm bal priă jền mpồl ASEAN (SLC) dơ̆ 32 mờ ală broă lơh gơrềng ndai.
Tàm Pơrjum, ala măt ală mpồl lơh broă ală lơgar, ală anih priă jền ală lơgar tàm mpồl ASEAN tơrgùm cri bơyai ală tơngu me kwơ màng tàm broă tơrgùm bal priă jền mpồl ASEAN; tơrgùm ală bơta gơlik geh bơh lơh sa dờng mờ priă jền gùt plai ù, tiah do, kung bè ală bơta tŭ do gơrềng tus broă lơh bơh ală anih priă jền dà lơgar dê.
Bal mờ hơ̆ là broă lơh ală jơnau bơceh lơh bè priă jền kơl jăp mờ broă kĭ hơ ring bal pa; broă rơndăp lơh Rơndăp broă lơh niam kơrnoăt lơh broă bal priă jền mpồl ASEAN, mờ broă lơh pa rơ̆p geh lơh bơh nam 2027, nàng tơnguh uă cồng nha pơgồp bal mờ lơh pràn broă lơh tơrgùm bal priă jền mpồl ASEAN tàm tơngai pa.
Viết bình luận