Đơs gùng dà broă lơh, ồng Tô Lâm, Tổng Bí thư, Chủ tịch lơgar pà gĭt, Đảng mờ Dà lơgar Việt Nam lơh nền lơh jăt ờ tŭ lơi tam gơl gùng dà lơh broă mờ lơgar ndai is, rơcăng lài is, kơnờm tàm bơta pràn is, lơh bơyô mờ uă lơgar, lơh uă bơta gĭt gơ̆p. Mơkung kơ̆p kờñ lơh jrô ơnàng gĭt gơ̆p mờ ală lơgar, tàm hơ̆ gĭt nền Mỹ là dùl tàm ală cau lơh broă bal kwơmàng khà dùl.

Ồng Tô Lâm, Tổng Bí thư, Chủ tịch lơgar sồr bàr lơgar gàr sùm gĭt gơ̆p, lơh gơlik bơnàng jă chính trị kơ̆ kơl jăp, jŏ jòng dipal mờ broă gĭt gơ̆p Tam klăc lơh broă bal jŏ jòng tơl làm đah bàr lơgar. Mơkung kơ̆p kờñ tơngguh uă cồng nha ală broă tìp măt tơm bơh bơr, cribơyai song dơ pă, jơh nùs mờ lơgar Mỹ bè ală broă sền gròi bal, kơ̆ nùs bơsong dipal ală bơta ờ ndrờm bal. Tổng Bí thư, Chủ tịch lơgar đơs nền, Việt Nam crăp rơcăng bal mờ lơgar Mỹ pơn jăt tai ai gĭt gơ̆p Tam klăc lơh broă bal jŏ jòng tơl làm đah bàr lơgar bơtàu tơngguh ngai sơlơ jrô ơnàng làm uă, ngan ngồn ngan jăt tàm bơta tàm ki ngàm bal mờ gơ̆p, geh kwơ bal.