Tàm pơrjum, ală Bộ, gah, ală tiah yal tŭ tơngai mut lơh, ală kal ke, kòl yan mờ jơnau sồr đơs gùng dà broă lơh nàng kờñ tơnguh uă cồng nha lơh broă bơh ală hìu bơsram bơto bơtê dê tơnơ̆ rơndăp tăp sèng. Jat Bộ Bơto bơtê mờ Bơsram, tus tŭ do, gùt lơgar gam 281 hìu bơsram bơto bơtê broă lơh dà lơgar, gơmù 33 hìu bơsram, ndrờm mờ 10,5% pơn drờm mờ lồi nhai 7. Bơto bơtê đại họk geh rlau 130 hìu bơsram dà lơgar, gơmù 3 hìu bơsram.

Đơs pơndŭt pơrjum, ồng Lê Tiến Châu, Phó Thủ tướng Chính phủ sồr ală Bộ, gah, ală tiah mhar lơh sir gùng dà broă lơh, sền gĭt loh hìu bơsram gam lời bè ờs, tơmŭt bal, tơn jơh lơh broă halà tàm jàu, gàr niam lơh sir lài mờ ngai 1/10/2026; mơkung ờ gŏ di lời broă rơndăp tăp sèng gơrềng tus broă lơh bơto bơtê mờ gơnoar kwơ cau bơsram dê.