Đơs nền, Sơnua boh lam Liên hợp quốc mờ adat boh lam ală lơgar là bơta tờm bơh rơndap tap sèng dunia dê, pal geh ki ngàm tơl làm, ờ tam gơl mờ ờ sac rơ wah, ồng Tô Lâm, Tổng Bí thư, Chủ tịch lơgar đơs là, tơl lơgar pal ki ngàm bơta lơngăp lơngai is, gơnoar tờm, tơl làm kơnhoàl ù tiah mờ gơnoar sac rơ wah gùng bơtàu tơnguh gơp dê; ờ ƀư tê tàm broă dơlam is, ờ pơhìn halà ngui bơta tam lơh tìs mờ Sơnua boh lam Liên hợp quốc.

Ồng Tô Lâm, Tổng Bí thư, Chủ tịch lơgar pin dờn mờ dùl Liên hợp quốc kơ̆ kơljap, pràn kơldang, Việt Nam rơp bal mờ gơp bơt bơtàu dùl dunia ring lơngai, ring bal, gơ glòm jơh mờ niam bơnĕ rlau ai jơh ală gah in. Tàm gùng hơ̆, Việt Nam sùm là lơgar geh jơng jơh nùs ngan, là lơgar lơh broă bal pin dờn ngan mờ là lơgar geh kơnòl, crăp rơcang tă pơgồp tàm ală bơta lơh ngan bal bơh mpồl bơtiàn ală lơgar dê.