Ală cau ala măt tơrgùm đal gŏ, tă bơsong ală anih gơkòl bè priă, sră nggal sră pơ àr gơnoar ătbồ, ù tiah mờ rơndăp ù tiah, lơh gơlik pràn gơn kơnờm ai lơh sa làng bol dê lơh is bơtàu tơngguh. Tơnơ̆ tơrgùm dùl, Lâm Đồng geh pơgăp 35 rbô 600 mpồl lơh sa kă bro gam lơh broă mờ rlau 190 rbô hìu kă bro. Tàm 6 nhai bồ nam, GRDP càr dê gơguh 7,9%, rề dia geh 18 rbô 600 tơmàn đong.

Tàm anih cribơyai, ồng Nguyễn Minh, Phó Chủ tịch Anih duh broă Làng bol càr Lâm Đồng đơs sùm bơta kờñ ngan sơlơ pơgồp bal tai đah gơnoar ătbồ, mpồl ai càn priă mờ mpồl lơh sa kă bro, mơkung pơn jăt tai lơh tam gơl niam wơl tiah bơcri priă, lơh tam gơl pa wơl sră nggal sră pơ àr gơnoar ătbồ. Ală jơnau đơs kung dan tơngguh uă pràn jak ătbồ broă, song dơ pă loh làng priă jền mờ tơngguh lơh bal ală anih lơh gơlik phan.