Bơh nhai 6 tus tŭ do, kơnhoàl ù tiah do neh gơbàn 8 dơ̆ tơrlah ù geh bal lŭ dờng tŭ trồ mìu, pơhìn sùm roh lơngăp lơngai ai kòn bơnus mờ rơndeh rơndồ in. Bơh lòt sền, rơkàng hơđăng gah gùng jơnhoa pơgăp 20 tus 25 thơk, jòng pơgăp 120 thơk; bơta ù là ù bơrlŭ lŭ rài, neh ờ kơ̆ jơh, ƀươn pơn jăt tai tơrlah gơdùh tŭ mìu dờng. Gùng dà broă lơh bơsong là pơnring tơrmù rơkàng hơđăng gah gùng tàm tiah tơrlah gơdùh, tơnơ̆ hơ̆ bơ̆t kơ̆ wơl mờ lòs tơpồt bàr dar, che lòs, jàl ù bơta chài mờ đing kơ̆t lòs…

Kờp jơh priă tă lơh digơlan pơgăp 15 tơmàn 640 tơlak đong, ai bơh priă rơcăng, drơng trồ tiah lơh aniai nam 2025 gam jơngkah mờ priă ai bơh bàr pe broă bơ̆t bơtàu ndai. Lài hơ̆, mìu dờng lơh lŭ bơh hơđăng gah gùng kwèl Prenn gơdùh tàm măt ù, lơh gơkòl gùng. Ngai 22/09, Anih duh broă Làng bol càr Lâm Đồng yal bơta jal mhar bè trồ tiah lơh aniai tàm kơnhoàl ù tiah do.