Tàm pơrjum, ală cau ala mat iăt jơnau yal dồ ết cồng nha lơh broă 9 nhai do; gùng dà broă lơh, kơnòl broă lơh broă tờm 3 nhai lồi nam 2026 tàm Đảng bộ Kwang àng Dà lơgar mờ ală jơnau yal mìng dùl tơngume...

Đơs đơng lam pơrjum, ồng Tô Lâm- Tổng Bí thư, Chủ tịch lơgar đơs sùm, bơh bồ nam tus tŭ do, is ồn tàm qúy 3, mpồl Kwang àng làng bol pơn jat tai đơs nền gơnoar lơh krơh niam lơh jat ală gùng dà broă lơh, jơnau lơh nền tàm pơrjum bơh Đảng dê. Tàm hơ̆ neh tă pơgồp jơnau đơs ai lơh jat 02 Jơnau lơh nền tàm pơrjum bơh Mpồl Duh broă Dà lơgar dê bè Broă lơh jŏ jòng Lơngăp lơngai Dà lơgar mờ bơt bơtàu mpồl bơtiàn duh rngòt kơrnoat boh lam, lơngăp lơngai, niam jak, bơnĕ bơnài mờ bơtàu tơnguh. Bè broă lơh tờm bơh tŭ do tus lồi nam, ồng Tô Lâm- Tổng Bí thư, Chủ tịch lơgar sồr mpồl Kwang àng làng bol tơrgùm lơh ngan ngồn, lơh tus geh nùs nhơm “lơngăp lơngai rcang lài” lơh sùm tàm ală broă lơh lơh broă bơh Kwang àng dê.