Ngai 1/10, Anih duh broă Đơng lam Đảng Ling klàng càr Dăk Lăk bơyai lơh Pơrjum tơlik Jơnau lơh nền tàm pơrjum đơng lam lơh jat kơnòl broă qúy IV nam 2026. Tơngai pa do, Anih duh broă Đơng lam Đảng Ling klàng càr Dăk Lăk neh đơng lam mpồl phàu crong lơh sir niam ngan ală kơnòl broă geh jàu; tă pơgồp jơnau đơs mờ Tỉñ ủy càr, Anih duh broă Làng bol càr đơng lam, sồr lơh tơl làm broă lơh sền gàr dà lơgar, ling klàng ƀòn lơgar mờ sền gàr tiah nhàr lơgar; bơyai lơh geh cồng nha pơlam tàp tiah rcang gàr lài càr mờ đơng lam ală sàh, sơnah ƀòn bơyai lơh pơlam tàp jat broă rơndăp lơh.

Tàm “Broă lơh dờng 500 ngai màng”, Mpồl K51, Gah đơng lam Mpồl ling klàng càr Dăk Lăk neh pơgồp bal mờ ală mpồl lơh broă geh gơnoar tàm lơgar mờ lơgar bơyô Campuchia, lam lòt jòi, rồ tơrgùm geh 36 ƀồc ntìng cau ling chơ̆t màng. Tàm hơ̆, geh 23 ƀồc ntìng cau ling chơ̆t màng, rồ tơrgùm tàm ù tiah càr dê; 13 ƀồc ntìng cau ling chơ̆t màng lòt jòi, rồ tơrgùm tàm lơgar bơyô Campuchia dê. Đơs tàm pơrjum, ồng Lương Nguyễn Minh Triết, Kwang bàng Đảng dà lơgar, Bí thư Tỉñ ủy càr, Bí thư Anih duh broă Đơng lam Đảng Ling klàng càr Dăk Lăk đơs sùm jơnau sồr pơn jat lơh jat kràñ cê jơh nùs Broă lơh dờng 500 ngai mang bè lơh pràn lòt jòi, rồ tơrgùm mờ đal gĭt mat ƀồc ntìng cau ling chơ̆t màng.