Nam 2026, Dăk Lăk geh 5 rơndăp broă lơh ODA gam lam lơh, mờ kờp jơh khà priă bơcri lơh rlau 2 rơbô 836 tơmàn đong. Broă rơndăp lơh priă lơgar ndai geh jàu tàm nam mờr 704 tơmàn đong, neh tam pà 100% ai ală rơndăp broă lơh in. Mơya, tus ngai 30/9, khà priă ai pa mình lơh geh mờr 174 tơmàn đong, ndrờm mờ mờr 25% broă rơndăp lơh.

Tơngai bơh nam 2026-2030, Dăk Lăk pơlam gùng dà ai lơh lài hòi jà priă ODA mờ càn priă ờ sa priă cồng uă lơgar ndai ai ală broă lơh gùng lòt rê tàm tơrbŏ bal mờ ală tiah, rbòng dà, tiah ơm kis, drơng mờ tam gơl nhơm trồ tiah mờ bơtàu tơnguh tiah drà. Nàng lơh geh cồng nha lơh gơrề uă bơh ODA dê, ồng Nguyễn Thiên Văn, Phó Chủ tịch Anih duh broă Làng bol càr Dăk Lăk sồr broă hòi jà priă jền pal di broă, di tiah, di pal mờ jơnau kờñ bơtàu tơnguh bơh càr dê mờ pơlam gùng dà bơh ală cau dong kờl.