Tàm dơ̆ lơh broă, đơng lam ƀòn dờng Hà Nội neh yal bàr pe broă lơh lam lơh jơnau kờñ gơguh tai bơh 11% rlau hơđang nam 2026; sền swì bơh sơn rờp bè bơta lơh mùl màl ală gơnăp gơnoar geh jàu tàm Adat Càr lơgar mờ jơnau yal, jơnau đơs, jơnau dan ƀòn dờng dê tus Dơ̆ pơrjum dơ̆ 2, Quốc hội khoă XVI. Đơs tàm dơ̆ lơh broă, ồng Tô Lâm, Tổng Bí thư, Chủ tịch lơgar đơs sùm, kờñ pal lơh ngan ngồn ală jơnau lơh nền Đảng dê, tơnguh pràn jak atbồ broă bơtàu tơnguh dà lơgar; kơlôi sơnơng ală rơndap broă lơh tàm tơrgùm jơh ală broă lơh; cih ƀuơn ƀuài bè bơcri priă pal geh dong kờl mờ adat boh lam, mờ adat ù tiah, adat rơndap ù tiah mờ bơt bơtàu ndrờm bal.

Ồng Tô Lâm, Tổng Bí thư, Chủ tịch lơgar đơs sùm, ală jơnau lơh nền bè broă rơndap lơh kes priă nàng gơguh tai jơnhua pal gơ lòt bal mờ kơ̆ kơljap mờ tơnguh niam rài kis làng bol; lơh niam gơnoar broă Càr lơgar, bơh mùl màl Hà Nội nàng tă pơgồp tàm broă lơh sir broă lơh bal; pơn jat tai jat sền cồng nha gròi sền broă lơh jat jơnau hơ pơrgon mờ cau tĕ khà.