Tàm dơ̆ wă, ồng Trần Thanh Mẫn, Chủ tịch Quốc hội đơs nền dơ̆ lòt còp geh gơtha kuơmàng ngan, pơgồp bơnah lơh niam rlau tai bơta git gơp lơh bơyô dờng màng, tam klac bal is ồn, lơh broă bal tơl làm, pơgồp jŏ jòng đah Việt Nam mờ Lào. Ồng Trần Thanh Mẫn, Chủ tịch Quốc hội đơs sùm, bal mờ bơta bơtàu tơnguh niam bơnĕ bơh git gơp 2 lơgar dê, lơh broă bal đah Quốc hội 2 lơgar ngai sơlơ geh gàr kơ̆, gàr sùm nền nòn, geh cồng nha.

Bàr nă kwang đơng lam bồ kơp kờñ, Quốc hội Việt Nam mờ Quốc hội Lào pơn jat tai cribơyai, tam pà bal ală jơnau bơsram mờng chài tàm lam lơh kơnòl broă crơng gơs adat boh lam mờ jat sền dờng ngan rlau jơh, ai git gơp lơh broă bal đah 2 anih lơh broă crơng gơs adat boh lam 2 lơgar ngai sơlơ lơh geh cồng nha niam, tă pơgồp uă tàm bơta bơtàu tơnguh bal bơh git gơp 2 Đảng, dà lơgar.