Lơgar Việt Nam neh bàr dơ̆ bơyai lơh geh cồng nha Nam APEC tàm ală nam 2006 mờ 1017. Nam APEC 2027 là dùl tàm ală broă lơh mờ lơgar ndai kwơ màng lài ngan bơh lơgar Việt Nam dê bơh tŭ do tus nam 2030, den tàng pal geh broă rơcang lài tơl ală bơta, lơh di gùng di dà, ndrờm bal tàm khà uă ngan.

Tus tŭ do, uă kơnòl tờm lơh gơs jăt jơnau neh geh ai. Ai tơngŏ broă bơyai lơh geh cồng nha Nam APEC 2027, tàm hơ̆ uă ngan là Poh kấp dờng, rơ̆p lời wơl bơta tơngŏ niam bơh lơgar Việt Nam dê tàm mpồl APEC mờ bơyô ală lơgar, mờ là dơ̆ niam nàng tơrbŏ bal bơta pràn bơh ală lơgar drơng tàm broă bơtàu tơnguh lơh sa mpồl bơtiàn dà lơgar, ală càr, ƀòn dờng mờ mpồl bơtiàn mpồl lơh sa kă bro, ồng Lê Minh Hưng, Thủ tướng Chính phủ sồr broă rơcang lơh pal geh tơngai mùl màl, loh làng. Gơrềng tus broă mblàng yal, niam chài drơng nam 2027, Thủ tướng Chính phủ sồr mpồl dềt drơng ală broă lơh bơh mpồl kwang bàng kấp dờng lơgar Việt Nam tus bal Poh Kấp dờng APEC 2026 tàm lơgar Lo mờ broă dờp jào gơnoar bơyai lơh nam Chủ tịch APEC 2027.