Jơnau yal bè tiah tơ̆p 2 nă cau ling chơ̆t màng tàm dơ̆ tam lơh nam 1962 geh ồng Trần Xuân Lý, 71 sơnam, kis tàm thôn Trung Lương 1 yal. Tàm tiah tơ̆p tàm thôn Trung Lương 1, sàh Tuy An Tây, mpồl lơh broă geh gơnoar jòi gŏ 2 ƀồc ntìng cau ling chơ̆t màng geh klơm tàm toal tang, bal mờ ală phan lời wơl.

Tam pơn drờm sền mờ jơnau yal geh ai, ală mpồl lơh broă đal git do là ƀồc ntìng cau ling chơ̆t màng mờ bơyai lơh rồ tơrgùm di jăt jơnau geh ai. Tŭ do 2 ƀồc ntìng cau ling chơ̆t màng geh prăp niam, duh khoai tàm Ƀlàng tơ̆p ƀồc Tuy An, sàh Ô Loan, càr Dăk Lăk. Kờp tus tŭ do, tàm broă lơh dờng 500 ngai mang lơh pràn broă jòi, rồ tơrgùm mờ đal git ƀồc ntìng cau ling chơ̆t màng, Mpồl K51 neh jòi, rồ tơrgùm geh 54 ƀồc ntìng cau ling chơ̆t màng tàm càr Dăk Lăk mờ càr Mondulkiri, lơgar Campuchia.