VOV.K'Ho- Mpồl K52, Mpồl Đơng lam Ling klàng càr Gia Lai pa rồ tơrgùm dùl bơnah ƀồc ntìng cau ling chơ̆t màng bal mờ uă phan lời wơl tàm thôn Bình Thành, sàh Tuy Phước Đông, càr Gia Lai.

Kờp bơh ngai 23 nhai 6 tus tŭ do, mpồl lơh broă geh gơnoar Mpồl rồ tơrgùm ƀồc ntìng cau chơt màng neh git gŏ, rồ tơrgùm geh 731 ƀồc ntìng cau chơt màng tàm Suơn bal Lê Thị Riêng, sơnah ƀòn Hoà Hưng, ƀòn dờng Hồ Chí Minh.

VOV.K’Ho- Drim òr (05/10), tàm Ƀlàng tơ̆p ƀồc Cau ling chơ̆t màng sàh Ba Động, Đảng ủy, Mpồl duh broă Làng bol, Anih duh broă Làng bol, Anih duh broă Mặt trận dà lơgar Việt Nam sàh Ba Động mờ sàh Đặng Thùy Trâm, càr Quảng Ngãi bơyai lơh dơ̆ ies mờ tơ̆p 12 ƀồc ntìng cau ling chơ̆t màng.

VOV.K’Ho- Tàm ală thôn, ƀòn tiah sar lơgar ngài bơh càr Lâm Đồng dê, tam gơl sồ ờ mìng là jơnau bơh măi mok lơm mờ gam kờñ geh ală cau rềp làng bol, wă làng bol mờ geh làng bol pin dờn. Mờ bơngă pin dờn mờ bơta wă wờng, gĭt nền ù tiah, ală cau geh bơngă pin dờn gam gơ gơs “rbàng tàm tơrbŏ”, ai gùng dà broă lơh tam gơl sồ tus tơl tàm hìu bơnhă dong tam gơl broă lơh. Cau lơh ƀăo Khoa Điềm, lơh broă sùm tiah Tây Nguyên, geh jơnau cih: “Cau geh bơngă pin dờn lơh rơbàng tàm tơrbŏ tam gơl sồ tàm tiah sar lơgar ngài Lâm Đồng”.

VOV.K’Ho- Drim òr (05/10), tàm Ƀlàng rơndeh par ală lơgar Cần Thơ, Gah đơng lam Ling tiah 9 pơgồp bal mờ Mpồl ling rơcang gàr kơl wàng trồ - Ling rơndeh par mờ ală ƀòn lơgar tiah ring dà dờng Cửu Long bơyai lơh jun pơndiang, jàu 15 rbô 401 mẫu ƀồc ntìng cau chơt màng drơng jat sền ADN, đal git mat ƀồc ntìng cau chơt màng.

VOV.K’Ho – Tàm Hìu lơh broă Quốc hội, Anih duh broă Lơh kơnòl broă sùm Quốc hội pa bơyai lơh Pơrjum cau ala mat Quốc hội lơh broă mìng dùl kơnòl dơ̆ Dùl, khoă XVI, cribơyai, ai jơnau đơs gơ wèt mờ 17 rơndap lơh adat kuơmàng kờp dŭ yal Quốc hội in tàm Dơ̆ pơrjum dơ̆ bàr. Jơnau kờñ pơyua geh ồng Trần Thanh Mẫn, Chủ tịch Quốc hội đơs sùm là: Quốc hội lơh adat nàng bơsong broă mùl màl dê, sền gàr gơnoar mờ bơta kuơ dipal làng bol dê, tă bơsong bơta gơ kòl, tă ai priă jền, pờ gùng bơtàu tơnguh in.

VOV.K’Ho - Ală jơnau kah kir bơh cau neh geh tŭ kis, tam lơh mờ lơh broă tàm Gơlăng yau Diên Khánh, càr Khánh Hòa gam gơ gơs là ală “sơñio tềl” kuơmàng ngan, dong mpồl lơh broă geh gơnoar lòt jòi ală cau chơt màng geh tơp. Bơh jơnau kah kir hơ̆, tơl tap ù geh tờ, lơh gơlik bơta kơp kơnờm lam ală cau neh ơm wơl tàm dơlam gơlăng yau rê wơl mờ cau ling bal, mờ hìu bơnhă.

VOV.K'Ho- Trồ tiah mìu uă ờ lơh gơkòl tus mờ broă tờ rồ, ai mẫu tàm ală ƀlàng tơ̆p ƀồc cau ling chơ̆t màng kung bè broă jòi ƀồc cau ling chơ̆t màng tàm càr Lâm Đồng dê. Bŭ lah bè hơ̆, ală mpồl lơh broă tàm càr do neh lơh gơs broă ai mẫu tàm 11 ƀlàng tơ̆p ƀồc, gờñ di pơgăp 3 nhai pơn drờm mờ broă rơndăp lơh geh ai. Tus tŭ do, rơlao 3 rơbô 600 mẫu ƀồc ntìng cau ling chơ̆t màng ờ hềt git đal neh geh jào nàng drơng tàm broă đal ADN in, tàm tŭ broă jòi rồ, tơrgùm tàm ù tiah bơdìh kung gam pơn jăt tai geh lơh.

VOV.K’Ho- Tàm broă lơh bơsram, kơlôi sơnơng ngan ngồn tàm càr Dăk Lăk, Mpồl lơh broă bơh Hìu bơsram kơlôi sơnơng Sền gàr Dà lơgar lơh broă mờ càr Dăk Lăk bè bơtàu tơnguh lơh sa- mpồl bơtiàn pơgồp bal mờ lơh kơ̆ kơl jăp sền gàr dà lơgar- lơngăp lơngai.

VOV.K’Ho - Mpồl lơh broă geh gơnoar sàh Ba Động, càr Quảng Ngãi pa tờ 3 ƀồc ntìng cau chơt màng tàm bồ tô dà croh Nước No, thôn Ba Liên.