VOV.K’Ho- Gam rlau 10 ngai lài mờ tơngai pơr gon lơh sir, càr Lâm Đồng gam tơrgùm uă ngan, hòi jà uă ngan rlau jơh cau lơh broă, phan bơna măi mok, lơh mhar mut lơh 2 Hìu bơsram ơm sa bĭc tơn 2 kấp kấp 1 mờ kấp 2 tàm sàh Thuận An mờ sàh Quảng Trực, lơh ngan lơh sir lài mờ ngai 30/8, di tŭ ai mut ngui tàm nam bơsram 2026-2027.

VOV.K’Ho- Jơnau lơh nền Chính phủ dê sồ 246 cih lơh glài lơh tìs sră pơ àr gơnoar ătbồ tàm gah phan tàm dà rơp geh ai lơh jat ngan ngồn bơh ngai 18/8, mờ uă jơnau cih pa mờ khà lơh glài kơn jơ̆ rlau gơ wèt mờ uă broă lơh tìs. Nàng cau lơh ka in git loh, rơcang lài pleh lơh tìs, ală mpồl lơh broă geh gơnoar tàm càr Gia Lai gam lơh pràn mblàng yal tàm anih ơhò lơh ka ơm mờ tiah ơm ơhò plung dê. Do kunglà broă lơh ai tơnggŏ bơta lơh ngan ờ ai tras kup phan tàm dà lềng tìs adat boh lam (jơnau sồr IUU) càr Gia Lai dê.

VOV.K’Ho- Mho ngai 13/8, đơng lam dơ̆ lơh broă mờ ală Bộ, gah bè bàr pe kơnòl broă tờm bơh Mpồl Sồr lơh dà lơgar dê lòt jòi, rờ tơrgùm, đal gĭt mat ƀồc ntìng cau ling chơ̆t màng (Mpồl Sồr lơh 515), mò Phạm Thị Thanh Trà -Phó Thủ tướng sồr mhar bơt bơtàu, lơh uă ală jơnau yal tơngĭt bè cau ling chơ̆t màng, bơtô ƀồc cau ling chơ̆t màng mờ ƀlàng tơ̆p ƀồc cau ling chơ̆t màng, lơh geh bơnàng jă drơng broă geh cồng nha rlau tai broă lơh lòt jòi, rờ tơrgùm mờ đal gĭt mat ƀồc ntìng cau ling chơ̆t màng.

VOV.K'Ho- Mpồl K52, Mpồl đơng lam Ling klàng càr Gia Lai pơn jăt tai jòi rồ geh tai 2 ƀồc ntìng cau ling chơ̆t màng tàm tiah ƀòn Sơr, sàh Ia Boòng, càr Gia Lai.

VOV.K’Ho - Gùt lơgar gam at tê bal lam lơh Broă lơh dờng “500 ngai mang lơh pràn lòt jòi, rờ tơrgùm wơl mờ đal git mat ƀồc ntìng cau chơt màng”. Tàm Quảng Ngãi, bơdìh mờ bơta lơh ngan bơh anih lơh broă geh gơnoar dê, geh dùl bơta sră nggal kuơmàng ngan gam sòl pơn đàng bơta kơp kơnờm uă hìu bơnhă in. Hơ̆ là pang sră cih mờ tê, cih wơl jơnau yal tơnggit bơh 181 ƀồc ntìng cau chơt màng phi să tàm Hìu sơnơm B23 bơh nam 1968 bơh ùr bơklau y sĩ Đào Ngọc Thạnh dê sền gàr nền nòn ngan tàm sùm mờr 60 nam do.

VOV.K’Ho- Rcang ai nam bơsram pa 2026 - 2027, gah Bơto bơtê mờ Bơsram càr Lâm Đồng gam lơh mhar lơh sir phan bơna, mpồl cau mờ ală bơta kờñ pal geh, mơkung lam lơh gùng dà broă lơh rơndăp tăp sèng ală hìu bơsram jat gùng dà tơrmù dipal, geh cồng nha.

VOV.K’Ho - Tơnơ̆ rlau 10 nhai lam lơh bơt bơtàu, ală hìu bơsram ơm sa bic tơn tàm hìu bơsram bàr kâp tiah nhàr lơgar Ia Lốp, Ia R’vê mờ Buôn Đôn, càr Dăk Lăk sền bal neh lơh gơs, rơp geh Anih duh broă Làng bol càr jàu lài mờ ngai 25/8 do.

VOV.K'Ho- Mờr tus ngai mŭt bơsram, mơya Hìu bơsram Jơi bơtiàn ơm sa bic tơn càr Lâm Đồng (tiah càr Bình Thuận lài do) kung gam ờ hềt lơh gơs bơh rơndăp broă lơh geh 61 tơmàn đong.

VOV.K’Ho- Lam lơh Broă lơh dờng “500 ngai mang lơh pràn lòt jòi, rờ tơrgùm wơl mờ đal git mat ƀồc ntìng cau chơt màng”, Mpồl sồr lơh 515 càr Lâm Đồng neh lơh gơs broă ai mẫu ADN ƀồc ntìng cau chơt màng, gờñ 3 nhai pơndrờm mờ broă rơndap lơh ai tơlik.

VOV.K’Ho- Tàm Broă lơh dờng 500 ngai mang lòt jòi, rờ tơrgùm wơl ƀồc ntìng cau ling chơ̆t màng, làng bol càr Khánh Hoà gam jơh nùs tàm sơm bat tê bal yal tơngĭt jơnau yal, pơlam gùng ai mpồl lơh broă geh gơnoar in.