Tơnơ̆ rơlao 5 nhai lơh, 2 nơm hìu neh lơh gơs, jào ai hìu mò H’ Bdia Bkrông, tàm ƀòn Drang Phốk mờ hìu ồng Y Căn Na Đy Hra, tàm ƀòn Trí in. tơl nơm hìu geh lơh dờng 60 thơ̆k vuông. Tàm hơ̆, hìu mò H’ Bdia Bkrông geh priă tă lơh 110 tơlăk đong, hìu ồng Y Căn Na Đy Hra là 120 tơlăk đong. Tơl hìu geh dong kờl lơh 80 tơlăk đong, priă gam tai geh hìu nhă, cau pròc mhàm, cau bơyô tă dong kờl.

Kwang bàng, cau ling Pôs ling sền gàr tiah nhàr lơgae Srepok mờ Pôs ling sền gàr tiah nhàr lơgar Bo Heng dong kờl ngai lơh hìu. Tàm dơ̆ jào, Đại tá Rơ Lan Ngân, Phó Chính ủy Mpồl Đơng lam ling sền gàr tiah nhàr lơgar càr Dăk Lăk đơs nền, drơng gàr rài kis làng bol là broă lơh mùl màl pơgồp bal tàm broă tơnguh bơta pràn tàm nùs nhơm làng bol, bơ̆t bơtàu tiah nhàr lơgar pràn kơl dang. Mờ kơ̆p kờñ ală hìu nhă pơn jăt tai lơh ngan lơh broă sa, bơtàu tơnguh lơh sa, tus bal mờ gơnoar atbồ mờ mpồl ling sền gàr tiah nhàr lơgar sền gàr gơnoar tờm ù tiah, lơngăp lơngai tiah nhàr lơgar dà lơgar dê.