Mpồl K52 rồ tơrgùm 6 ƀồc ntìng cau chơ̆t màng tàm lơgar Campuchia bơh jơnau yal bơh làng bol dê
Thứ năm, 13:00, 05/11/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Bơh ngai 27 tus ngai 31/10, Mpồl K52 (Gah đơng lam Ling klàng càr Gia Lai) neh lòt jòi, rồ tơrgùm geh 6 ƀồc ntìng cau chơ̆t màng tàm 3 càr Ratanakiri, Stung Treng mờ Preah Vihear (lơgar Campuchia), kơnờm jơnau yal bơh làng bol tàm tiah do dê yal.
Jat jơnau yal bơh mpồl ling dê, jơh bal 6 ƀồc ntìng cau ling chơ̆t màng ndrờm ờ hềt đal gĭt muh mat, bơta ồm lề uă, ờ gam bè ờs. Uă phan lời wơl geh jòi gŏ, geh zep kao su, toal tăng, ơyun, che bŭt, khŏ cau ling, kơcing ào, khàr sơnơm Penicilin mờ bàr pe phan ngui tàm rài kis.
Mpồl K52 neh ai mẫu sinh phẩm bơh sề mờ ntìng drơng broă lơh sền gĭt, đal gĭt mat ală cau ling chơ̆t màng dê. Bè hơ̆, bơh ngai 1/11/2025 tus tŭ do, Mpồl K52 neh rồ tơrgùm geh 34 ƀồc ntìng cau ling chơ̆t màng tàm lơgar Campuchia, tàm lơgar là 74 ƀồc ntìng cau ling chơ̆t màng.
Viết bình luận