Kàl prang nam 2025-2026, gùt Ling tiah 5 jòi rồ, tơrgùm geh 481 ƀồc ntìng cau ling chơ̆t màng. Tàm tơngai sơnrờp bơh broă lơh dờng, bơh ngai 15 nhai 3 tus ngai 1 nhai 11 nam 2026, ală mpồl jòi rồ tơrgùm geh 390 ƀồc ntìng cau ling chơ̆t màng tàm lơgar, 6 ƀồc ntìng tàm lơgar Lào mờ 35 ƀồc ntìng tàm lơgar Campuchia.

Ling tiah 5 mờ ală tiah dờp geh mờr 1 rơbô 300 jơnau yal bè cau ling chơ̆t màng, ƀồc cau ling chơ̆t màng, neh lòt sền, đal git, bơsong geh 820 jơnau yal. Tàm tơngai dơ̆ bàr, Ling tiah 5 lơh ngan jòi rồ, tơrgùm geh mờr 1 rơbô ƀồc ntìng cau ling chơ̆t màng, lơh gơs broă bơ̆t bơtàu tơngu me jơnau yal tơngit bè cau ling chơ̆t màng, ƀồc cau ling chơ̆t màng. Ling tiah 5 pơn jăt tai pơgồp bal mờ anih lơh broă geh gơnoar 3 càr đah Jum lơgar Lào mờ 4 càr lơgar Campuchia nàng đal git jơnau yal, bơyai lơh jòi rồ, lơh ngan tơrgùm geh rơlao 100 ƀồc ntìng cau ling chơ̆t màng tàm bàr lơgar do tàm kàl prang 2026-2027. Nam 2027, Ling tiah 5 ai jơnau kờñ lơh gơs jơnau dŭt ndơl tàm ù tiah, lơh geh pang sră rùp ù tiah jòi rồ, tơrgùm dơ̆ bàr mờ ai mẫi sinh phẩm bơh 100% cau pròc mhàm cau ling chơ̆t màng gam ờ geh jơnau yal tơngit ƀòn ơm kis tàm tiah do.