Tơnơ̆ hơ̆, Quốc hội cribơyai bè ală tơngume: Adat tam gơl, bơtơl bàr pe bơta bơh Adat Sền gàr rềs àr mpồl bơtiàn; Adat tam gơl, bơtơl bàr pe bơta bơh Adat Lơh broă, Adat Ơn prap, Adat ring bal ùr klau, Adat Broă lơh Chữ thập đỏ mờ Adat Broă lơh; Adat bơtơl, bàr pe bơta bơh Adat lơngăp lơngai, kloh niam lơh broă; broă sền swì, jàu Anih duh broă Lơh kơnòl broă sùm Quốc hội cih mùl màl bè bơta dong kờl, broă lơh mờ ală bơta pal geh gàr niam broă lơh bơh cau ala mat Mpồl duh broă làng bol ală kâp dê. 

Ƀùi mho, Quốc hội pơrjum dar gùt mpồl tàm Hìu pơrjum, lam lơh pờ tê ring bal Jơnau lơh nền tàm pơrjum bè broă rơndap lơh tam pà kes priă dà lơgar nam 2027.