VOV.K’Ho- Lơh jat gùng dà broă lơh bơh Đảng mờ Dà lơgar dê bè bơtàu tơnguh bơto bơtê tiah nhàr lơgar càr Lâm Đồng gam lơh sir broă lơh rơcang lài nàng bơt bơtàu lơh 2 tàm kờp jơh 5 nơm hìu bơsram tàm nam 2025 do.

VOV.K’Ho- Ngaiòr (26/10), Ƀí thư Tỉñ ủy càr Dăk Lăk ồng Lương Nguyễn Minh Triết lam bồ mpồl lơh broă càr dê lòt sền ală rơndap broă lơh lơh hìu bơsram ơm sa bic tơn ală kâp tàm ală sàh tiah nhàr lơgar, lơh broă mờ Pôs ling sền gàr tiah nhàr lơgar Ea H’leo mờ Anih duh broă Làng bol sàh Ia Lôp.

VOV.K’Ho- Poh lài, tàm Dơ̆ pơrjum dơ̆ 10, Quôk hội khoă XV, ală cau ala mat neh cribơyai bè rơndap lơh Adat tam gơl, bơtơl bàr, pe bơta bơh Adat Bơto bơsram; rơndap lơh Adat Bơto bơsram Đại họk (tam gơl) mờ rơndap lơh Adat Bơto bơtê broă lơh (tam gơl). Dùl tàm ală broă geh cau ala mat Quôk hội sền gròi mờ kung đơs di jơnau dan bơh cau tĕ khà dê, hơ̆ là broă cih gơs dùl ƀộ sră măi pe kâp ngui bal tàm gùt lơgar pal gàr bơta niam.

VOV.K’Ho- Sùm mờr 10 nam do, broă lơh “Dong kờl oh lòt bơsram” bơh Mpồl ling sền gàr tiah nhàr lơgar càr Gia Lai dê lơh neh gơ gơs tiah kơldìng kơ̆ kơnhă ai gĭt nđờ jơ̆t nă kơnòm bơsram rƀah, kơnòm bơsram kòn đời, geh rài kis kal ke geh pơn jat tai tus tàm ơdŭ bơsram. Ờ mìng là broă lơh niam dong kờl kòn bơnus lơm, broă lơh gam lơh geh tềl tơngŏ niam bơnĕ bơh nùs nhơm ling klàng- làng bol, bơh kơnòl mpồl bơtiàn mờ bơta pin dờn tàm rài tơnơ̆ do tàm ù tiah nhàr lơgar gam uă kal ke bòl glar.

VOV.K’Ho- Ală nam do, kơnờm priă càn bơh Anih priă jền Dong kờl mpồl bơtiàn, uă hìu bơnhă làng bol jơi bơtiàn dồ êt nă cau tàm càr Gia Lai neh khin cha bơcri priă ròng kơnrồ, be, tam kơphe, plai màk… Kơnờm ngui priă càn geh cồng nha, ală hìu bơnhă neh tơnguh priă jền lơh geh kơ̆ kơnhăp sùm, rài kis rơhời bơtàu tơnguh rlau. Uă hìu bơnhă ờ mìng jơh rƀah mờ gam geh priă jền nàng ròng oh kòn lòt bơsram, lơh hìu đam dờng niam, blơi phan ngui tàm rài kis, rơhời brồ guh lơh pas tàm ù tiah brê bơnơm dờng ơning ơnàng.

VOV.K’Ho – Tàm ală nam tam lơh, bơh tàm dơlam tiah brê bơnơm Ba Tơ dờng ơning ơnàng tus ală tiah dà lềng gơ crà mat tơngai sòl tàm tiah tàm gùl lơgar, ală mpồl tam lơh sơn rờp tàm tiah đah jum tàm gùl lơgar neh ntàu ñă, khin cha jak chài tam lơh tài lơngăp lơngai is, khat gơboh. Khi là ală cau gar sơntìl pơrhê, ngềt ngơt gơ cat rơyas, rơcang ai dùl gùng kah yau bềng bòl glar, kal ke mơya kung pơn yờ să ngan. Tơngkah 80 nam Ngai bơhiàn Mpồl phàu crong Ling tiah 5, nùs nhơm khin cha jak chài Ba Tơ gam geh tàm pơn jat tai kơ̆ kơnhăp.

VOV.K'Ho- Uă nam do, càr Gia Lai lơh geh cồng nha broă bơto mờ hòi jà ƀák sìh tàm gah rơwah lòt bơsram, tàm hơ̆ ai lài oh kòn làng bol jơi bơtiàn ờ gal cau tàm tiah ngài. Git nđờ rơhiang nă ƀák sìh tơnơ̆ mờ tŭ neh jơh bơsram rê tàm ƀòn nàng lơh broă, pơgồp bal tàm broă tơnguh uă bơta niam kham sơm kòp, sền gàr bơta pràn kơl dang să jan làng bol in. Broă lơh do gam pà gŏ cồng nha mờ nùs nhơm gơdờp ngan tàm bơta broă lơh sơnơm tàm ală tiah gam ờ pràn bè cau lơh broă bal mờ phan bơna, tàm hơ̆ uă ngan là tàm bơta tơnơ̆ mờ tŭ tơrgùm bal anih lơh broă sră nggal.

VOV.K’Ho- Mpồl Cau ala mat Quôk hội càr Dăk Lăk pa lơh broă mờ Anih duh broă Làng bol sàh Vụ Bổn mờ M’Drắk bè bơta lơh jat ală Jơnau lơh nền tàm pơrjum bơh Quôk hội dê geh gơrềng tus broă lơh jơnau kờñ Dà lơgar.

VOV.K’Ho- Pe nhai tơnơ̆ tŭ gơnoar atbồ ƀòn lơgar 2 kâp lơh broă, bơh tiah kơh bơnơm tus tiah ring, bơh tiah drà dờng tus tiah bồt bơlàu neh geh ală tam gơl niam ngan: Sră pơ àr gơnoar atbồ lơh mhar, làng bol niam nùs, kwang bàng kâp sàh, sơnah ƀòn lơh ngan nàng gơ dờp. Bulah bè hơ̆ kung gam uă kal ke, bơta lòng pal pơn jat tai tă bơsong, mơya cồng nha do neh gàr kơ̆ bơta pin dờn mờ bơta ring bal bơh làng bol dê tàm broă lơh tam gơl pa wơl nàng gơnoar atbồ ngan ngồn rềp làng bol, drơng làng bol in niam rlau.

VOV.K’Ho- Mpồl duh broă Đảng ƀộ càr Khánh Hoà pa ring bal Jơnau lơh nền tàm pơrjum bè broă lơh bơtàu tơnguh kơnhăp jŏ bơto bơtê mờ bơsram tus nam 2035, sền sơnơng tus nam 2045