VOV.K'Ho- Rơlao nggùl rài tơnơ̆ tam lơh, tiah tềl bè uă cau ling chơ̆t màng tàm ală tiah bơnơm càr Khánh Hoà neh ờ hoan geh tai jăt mờ tơngai. “Broă lơh dờng 500 ngai mang” gam tơrbŏ ală jơnau kah wơl gam gơlời tàm pang sră, ù tiah mùl màl, pờ gùng jòi cau tàm mpồl ling bal tàm tiah brê bơnơm.

VOV.K'Ho- Gơwèt mờ ală kơnòm dềt tàm Anih tờm Dong kờl bơtàu tơnguh bơto bơtê gơrờm bal kơnòm dềt koĕt kơl te càr Dăk Lăk, Satềp Trung thu ờ mìng là ƀañ kèo ha là sền tamya triă. Hơ̆ gam là nùs nhơm chờ tŭ ală oh geh guh tus tàm jơnang. Kàl Satềp trung thu nam do tàm Anih tờm Dong kờl bơtàu tơnguh gơrờm bal kơnòm dềt koĕt kơl te tài bè hơ̆ den tàng chờ hờp ngan mờ geh bal ală broă lơh bè ờs ngan.

VOV.K’Ho- Mho òr (22/09), còp, pà phan mờ nting bơr sa tềp Trung thu ală kơnòm pa tàu, kơnòm dềt tàm Anih tờm sền gàr, dong kờl kơnòm dềt càr Nghệ An in, ồng Đỗ Văn Chiến, Phó Chủ tịch Duh broă sùm Quốc hội sồr ală kâp ủy Đảng, gơnoar atbồ, ală sờh, mpồl, gah broă lơh càr Nghệ An pơn jat tai sền gròi, kơlôi rơcang niam rlau tai kơnòm dềt in; ờ lời rài kis kal ke lơh roh tĕ tŭ niam geh bơsram sră, lòt jat bơta kơp kờñ he dê.

VOV.K'Ho- Mho ngai 22/09, ồng Nguyễn Văn Quảng, Bí thư Đảng Dà lơgar, Kwang đơng lam Anih cah rña Làng bol Dờng ngan rlau jơh, cau ala măt Quốc hội càr Lâm Đồng neh lòt còp, pà phan Sa tềp Trung thu ai kơnòm dềt tàm Ƀòn Kơnòm dềt SOS Dà Làc in.

VOV.K'Ho- Drim ngai 22/09, Đảng ủy, Mpồl duh broă Làng bol, Anih duh broă Làng bol, Anih duh broă Mặt trận Dà lơgar tờm Việt Nam sàh Tu Mơ Rông pơgồp bal mờ sàh Đăk Tờ Kan, càr Quảng Ngãi bơyai lơh Dơ̆ còp ies, pơrjum kah kơlôi mờ tơ̆p ƀồc ntìng A Ngoã, cau chơ̆t màng tàm Ƀlàng tơ̆p ƀồc Cau chơ̆t màng Tu Mơ Rông.

VOV.K’Ho- Bơh ngai 18 tus ngai 21/9, ală mpồl lơh broă gơ wèt Mpồl đơng lam Mpồl ling sền gàr tiah nhàr lơgar càr Dăk Lăk pơgồp bal mờ kâp ủy, gơnoar atbồ ƀòn lơgar, ală anih lơh broă, mpồl lơh broă mờ cau geh nùs nhơm niam bơyai lơh uă broă lơh chờ hờp Sa tềp Trung thu, jàu rlau 2 rbô 200 bơnah phan pà ai kơnòm dềt tàm tiah nhàr lơgar ù gờl mờ tiah nhàr lơgar dà lềng in.

VOV.K’Ho- Drim òr (21/09), tàm Hìu lơh broă Chính phủ, ồng Hồ Quốc Dũng, Phó Thủ tướng đơng lam dơ̆ pơrjum tă pơgồp jơnau đơs bè Jơnau rcang cih Adat Ù tiah (tam gơl).

VOV.K’Ho- Tàm sàh tiah nhàr lơgar Ia Lốp, càr Dăk Lăk, git nđờ rhiang nă kơnòm bơsram neh bal mờ gơp chờ hờp tus bal broă lơh “Tiah nhàr lơgar - Mang chờ àng kơnhai ndar me” nam 2026. Broă lơh bơh Mpồl đơng lam Mpồl ling sền gàr tiah nhàr lơgar càr Dăk Lăk pơgồp bal mờ Mpồl tam klac cau ùr càr, Anih duh broă Làng bol sàh Ia Lốp mờ ală mpồl lòt bal bơyai lơh, tă pơgồp tai priă jền sền gròi kơnòm dềt mờ ală hìu bơnhă kal ke tàm tiah nhàr lơgar in.

VOV.K'Ho- Tàm Hà Nội, Mpồl cau dờng sơnam Việt Nam bơyai lơh Pơrjum dờng dơ̆ VII, tơngai lơh broă bơh nam 2026 tus nam 2031. Tàm pơrjum dờng, uă jơnau tàm bơyai neh tơrgùm lơh loh gơnoar broă cau dờng sơnam dê tàm bơtàu tơnguh dà lơgar, tàm hơ̆ geh tơngume rơcang lài pơgồp bal, tam gơk sồ, gơ dờp mờ bơta kra tĕ khà kờp làng bol, ngui niam bồ tơngoh jak, bơngă pin dờn mờ mờng chài cau dờng sơnam dê tàm mpồl bơtiàn.

VOV.K’Ho – 4 jơ drim, tŭ brê bơnơm gam gơ ơm tàm bơta noat mrềt, dùl bơnhă ồs neh hìt tàm Hìu bơsram kòn cau ơm sa ngai kâp 1 Tu Mơ Rông, càr Quảng Ngãi (kơnhoàl Tu Mơ Rông, càr Kon Tum yau). Ală pơgru ngềt ngơt sing ồs, trŭ gơm tơl dơ̆ sa drim kơnòm bơsram in. Tàm tiah kơh bơnơm, cau pơgru geh tŭ ờ mìng bơto sră tàm ơdŭ, mờ gam kơlôi rơcang tơl dơ̆ sàu sa, bic lơhă, pràn kơldang mờ jòi broă nàng gàr kơnòm bơsram ơm wơl mờ ơdŭ bơsram, hìu bơsram.