VOV.K'Ho- Ngai òr (29/06), ồng Nguyễn Đình Khang, Bộ trưởng Bộ Jơi bơtiàn mờ Pin dờn Jăt yàng lơh broă mờ Anih duh broă Làng bol càr Khánh Hoà bè cồng nha lơh jăt Broă lơh jơnau kờñ dà lơgar bơtàu tơnguh lơh sa mpồl bơtiàn tiah làng bol jơi bơtiàn ờ gal cau mờ tiah kơh bơnơm tơngai bơh nam 2021 tus 2025, mờ lơh jăt broă lơh tơngai bơh nam 2026 tus 2030.

VOV.K’Ho- Tàm sàh Hòa Thịnh, càr Dăk Lăk bơyai lơh sơnđờm mut lơh lơh 100 nơm hìu pơrjum mpồl bơtiàn pơgồp bal mờ rcang lài pleh dà tih dà lìu tàm ală thôn, ƀòn.

VOV.K’Ho- Tơnơ̆ mờr 8 nhai mut lơh, 2 nơm Hìu bơsram ơm sa bĭc tơn tàm hìu bơsram kấp 1 mờ kấp 2 tàm 2 sàh tiah nhàr lơgar Quảng Trực, Thuận An càr Lâm Đồng dê gam gơ jal ngan mut lơh broă lơh lơh sir mờ pơnđơl pràn lơh ngan lơh sir lài mờ ngai 15/8/2026.

VOV.K’Ho- Tàm tŭ tơngai dà lơgar gam lơh pràn tam gơl wơl broă lơh bơh Quốc hội dê, tơrmù dipal mpồl lơh broă sră pơ àr gơnoar atbồ mờ bơt bơtàu rài lơh broă sră pơ àr drơng broă, lơh broă làng bol kơp kờñ ơm tềng đap jơnau sồr tam gơl pràn ngan. Bè hơ̆ den tàng, lơh broă làng bol kơp kờñ pal là gah git gŏ gờñ nùs nhơm làng bol, là mpồl tơngkah lài gùng dà broă lơh, là bơta đo was bơta niam đơng lam broă dà lơgar. Do là jơnau pơyua geh ồng Trần Thanh Mẫn, Chủ tịch Quốc hội đơs tàm Dar pơrjum dơ̆ 3 Anih duh broă Lơh kơnòl broă sùm Quốc hội dê.

VOV.K'Ho- Mho ngai 25/6, đơng lam Pơrjum gùt lơgar bè sền gàr kơnòm dềt, mò Phạm Thị Thanh Trà, Bí thư Đảng Dà lơgar, Phó Thủ tướng Chính phủ, Chủ tịch Anih duh broă Dà lơgar bè kơnòm dềt đơs sùm: Sền gàr kơnòm dềt pal là kơnòl broă ai lài khà dùl mờ kơnòl bơh cau lam bồ dê.

VOV.K'Ho - Mò Phạm Thị Thanh Trà - Phó Thủ tướng sồr ai lài uă ngan rlau jơh priă jền nàng lam lơh geh cồng nha Broă lơh 500 ngai mang, lơh pràn broă lơh lòt jòi, rờ tơrgùm ƀồc ntìng cau ling chơt màng tàm gùt lơgar.

VOV.K’Ho- Ngai òr (23/06), Anih duh broă Làng bol càr Khánh Hòa bơyai lơh pơrjum sền swì cồng nha bơh sơn rờp lam lơh Broă lơh 500 ngai mang lòt jòi, rồ tơrgùm mờ đal git mat ƀồc ntìng cau ling chơt màng mờ broă lơh ADN, mờ kung cri bơyai broă lơh tă bơsong ală kal ke, gơkòl nàng lam lơh jat geh cồng nha ală kơnòl broă geh jàu.

VOV.K’Ho- Tơnơ̆ mờr 1 poh lam lơh, Mpồl Bơyai lơh broă lơh kah ưn ngài cau ling chơ̆t màng nam 2026 mờ tơngume “Hòi mat ală sơrmañ dà lơgar” neh dờp geh pơgăp 266 tơlak 863 rơbô 414 đông bơh ală mpồl cau, cau dồ nă să geh nùs nhơm niam dê dong kờl bơh tàm mang dong kờl is 2707 - Anih priă jền Kă bro phan pơgồp bal Ling klàng (MB).

VOV.K’Ho- Càr Quảng Ngãi gam rơndap tap sèng, rơndap wơl thôn, jơnum làng bol ơm kis tiah drà nàng kờñ tơrmù dipal mpồl lơh broă sră pơ àr gơnoar atbồ, tơnguh cồng nha atbồ tàm kâp hơ đơm. Bulah bè hơ̆, tàm ală tiah kơh bơnơm, broă rơndap tap sèng geh kờp dŭ nền nòn ngan nàng ờ mìng drơng jơnau kờñ tam gơl pa, mờ gam dipal mờ bơta geh ngan bal mờ rài kis làng bol dê tai.

VOV.K’Ho- Càr Dăk Lăk là dùl tàm ală càr tàm gùt lơgar gờñ lam lơh jat Jơnau lơh nền tàm pơrjum sồ 72 bơh Bộ Chính trị dê bè bàr pe broă lơh tam gơl pràn nàng kờñ sơlơ sền gàr mờ tơnguh niam pràn kơldang làng bol.