VOV.K’Ho- Tàm càr Khánh Hòa, Ƀộ Kwang àng bơyai lơh Pơrjum mờng chài lơh broă yal tơnggit jơnau cíñ trị, mblàng yal rơcang, kơryan trồ tiah lơh aniai mờ tàm jàu broă lơh “Broă lơh Quang Trung”, tơnguh mhar tơngai hơ pơrgon lơh pa, lơh niam wơl hìu ơm dong làng bol tiah gơtìp trồ tiah lơh aniai gờñ gàr bè ờs wơl rài kis.

VOV.K’Ho- Tiah tàm gùl lơgar mờ Tây Nguyên là sèng ù uă tơngai càl, mơya kung kong ờ dồ ết mìu càl rơbŭt dờng, mìu dờng dà tih dà lìu, tơrlah ù, trồ tiah lơh aniai kơn jơ̆ kơn jŭt ngan. Pah kàl mìu càl rơbŭt dờng lòt gan, làng bol tiah do pal lơh ngan rcang lài pleh mờ ală bơta roh rui, bơta sơbơng roh digơlan gơlik geh. Tàm ală tŭ tơngai kal ke hơ̆, kwang bàng, cau ling mpồl ling phàu crong Ling tiah 5 sùm geh mat di tŭ, lòt bal mờ làng bol. Bulah mìu càl, dà tih dà lìu dờng, sơbơng roh bơh dơ̆ tơrlah bơnơm, ală bi ờ rngòt bòl glar kal ke, tram să he dê tàm dà tih dà lìu dờng dong làng bol, jòi cau gơtìp gơtơ̆p bồr, dong làng bol sơr lèt gan bơta kal ke rềs àr.

VOV.K’Ho- Tơnơ̆ 1 nhai lam lơh Broă lơh Quang Trung dong kờl hìu ơm sơrbăc mhar ai làng bol tiah dà tih dà lìu in, càr Dăk Lăk gam tơnguh mhar lam lơh mờ nùs nhơm sơrbăc mhar- kràñ cê jơh nùs.

VOV.K’Ho- Ală ngai do, tàm jơh gùt ală tiah kong jơnau gơ lời wơl tài bơh dà tih dà lìu, mìu càl rơbŭt dờng tàm tiah tàm gùl lơgar mờ Tây Nguyên,“Broă lơh Quang Trung” gam geh bơyai lơh sơr băc mhar, lơh hìu, lơh niam wơl hìu nàng làng bol in di tŭ wă rò sơnam pa tàm hìu ơm pa. Ală hìu lơh bơh broă lơh do ờ mìng tơngŏ nùs nhơm lơh ngan cíñ trị sơr băc mhar lơm mờ gam tơngŏ bơta sền sơnơng rài tơnơ̆ do dê, ai tơlik jơnau kờñ chài lơh, lơngăp lơngai uă, nàng kờñ dong làng bol gơdờp jŏ jòng tàm ală tiah sùm gơtìp dà tih dà lìu, mìu càl rơbŭt dờng. Do ờ mìng ƀuơn ngan là lơh ngan bơt bơtàu phan bơna lơm, mờ neh gơ gơs dùl broă lơh bơt bơtàu bơta pin dờn mờ lơh kơ̆ rlau tai nùs nhơm rcang gàr lài uă ngan làng bol dê.

VOV.K’Ho- Mho òr (28/12), tàm sàh Sơn Hòa, càr Dăk Lăk, Ling mpồl 34 (Ƀộ Ling klàng) bơyai lơh dơ̆ tàm jàu 5 nơm hìu pà ai ală hìu bơnhă làng bol gơtìp tơrlơm jơh hìu tài bơh mìu dờng dà tih dà lìu.

VOV.K’Ho- Bơh jơnau hòi jà bơh Thủ tướng Cíñ phủ dê, tàm làm gùt ală tiah tàm gùl lơgar mờ Tây Nguyên kong jơnau gơ lời wơl kơn jơ̆ kơn jut ngan tơnơ̆ trồ tiah lơh aniai, gam nggồr nggàc cơnđuà jơng bơh ală mpồl lam lơh “Broă lơh Quang Trung” sơrbac mhar dê: Dùl bồ tơngoh bal mờ lơh broă, lơh pa, lơh niam wơl git nđờ jơt rbô nơm hìu làng bol in. Sơrlèt rlau mờ broă ai tơlik bơh dùl broă lơh dong kờl rềs àr trồ tiah lơh aniai dê, “Broă lơh Quang Trung” là jơnau đơs nền bơh pràn jak mờ nùs nhơm Việt Nam dê, bơh nùs nhơm cíñ trị tài làng bol mờ drơng broă dê. Tàm broă lơh do, ală mpồl lơh broă bơh làng bol mờ gơlik, neh rê wơl bal mờ làng bol bơt bơtàu wơl ngai tơnơ̆ do kơnhăp kơ̆, lơh gơlik ală cồng nha pa bơh ling klàng mờ làng bol dùl bồ tơngoh bal dê.

VOV.K'Ho- Ngai 25/12, Ƀộ Kwang àng pơgồp bal mờ Kông ty Tă pơgồp bal priă Bơtàu tơngguh tiah drà Vĩnh Thái bơyai lơh dơ̆ sơnđờm lơh Rơndăp broă lơh bơ̆t bơtàu hìu ơm mpồl bơtiàn lời ai mpồl Kwang àng Làng bol in tàm sơnah ƀòn Nam Nha Trang, càr Khánh Hoà.

VOV.K’Ho- Drim ngai 24/12, tàm Hà Nội geh bơyai lơh Pơrjum dờng Dong kờl hìu bơnhă cau ling chơ̆t màng Việt Nam dơ̆ 4, tơngai lơh broă bơh nam 2025-2030.

VOV.K’Ho- Ală ngai do, bal mờ gùt lơgar, ală sàh, sơnah ƀòn bơh càr Dăk Lăk dê gam tơrgùm uă ngan ai broă rơcang tĕ khà Cau ala mat Quôk hội khoă XVI mờ cau ala mat Mpồl duh broă Làng bol ală kâp, tơngai lơh broă bơh nam 2026 tus nam 2031.

VOV.K’Ho- Lam lơh “Broă lơh Quang Trung” bơh Thủ tướng Cíñ phủ dê lam lơh nàng lơh hìu ơm ai làng bol tiah dà tih dà lìu tàm gùl lơgar mờ Tây Nguyên, Ling tiah 5 neh hòi jà tơrgùm bal gĭt nđờ rơbô nă kwang bàng, cau ling dơ̆ lĕ bal lam lòt lơh hìu. Mìng tàm rlau 1 poh tơnơ̆ dơ̆ lam lơh bơh Thủ tướng dê, gĭt nđờ rơhiang nơm hìu neh geh sơnđờm mut lơh. Di mờ jơnau đơs sơr băc mhar bơh broă lơh dê, ală kwang bàng- cau ling neh “sơrlèt gan trồ tiah duh jai pha trồ mìu” chồl mhar tŭ tơngai mut lơh.