VOV.K’Ho- Pơn jat tai đơs nền gơnoar broă là anih lơh broă ala mat ai nùs nhơm, bơta kơp kờñ bơh làng bol dê, Mpồl duh broă Làng bol ală kâp neh geh uă bơta tam gơl pa tàm broă lơh jat sền, lùp - hơ mờ tìp mat cau tĕ khà tàm tơngai lơh broă lài. Do là tơngume geh ală cau ala mat tơrgùm sền swì, cribơyai tàm Pơrjum Mpồl duh broă Làng bol gùt lơgar lam lơh gùng dà broă rơndăp lơh, kơnòl broă tơngai lơh broă bơh nam 2026 tus nam 2031 pa do.

VOV.K’Ho- Mho òr (01/06), tàm sơnah ƀòn Ea Kao, càr Dăk Lăk bơyai lơh dơ̆ sơn đờm lơh pa, lơh niam wơl 44 nơm hìu ai kòn tờm bơh cau lơh broă tàm rài tam lơh gơtìp sơnơm khih đioxin lơh aniai gơtìp kal ke bè hìu ơm in.

VOV.K’Ho- Jat jơnau lơh nền tàm pơrjum pa geh Mpồl duh broă Làng bol càr Gia Lai ai lơh jat, tơngai tus, càr rơp ai lài dong kờl ù ơm, ù lơh sa hìu bơnhă rƀah, hìu bơnhă ndrờm bè cau rƀah là cau jơi bơtiàn dồ êt nă cau in.

VOV.K’Ho- Krơi mờ cau dờng, kơnòm dềt ờ hềt tơl pràn jak nàng git wă wil tơl bơta kuơ bơh yal tơnggit jơnau să tờm dê, kung bè ală bơta aniai digơlan gơlik geh tàm internet. Bè hơ̆ den kờñ pal lơh ñchi nàng sền gàr gơnoar is mờ jơnau yal tơnggit să tờm kơnòm dê tàm rài măi mok? Do là tơngume geh cribơyai tàm broă lơh geh pờ tơlik tơn tàm internet “Gơ rềng bơh Adat sền gàr jơnau yal tơnggĭt să tờm - Ală jơnau pal kah adat boh lam kuơmàng”.

VOV.K'Ho- Rlau 5 nam do, ală ùr pơgru bơto tàm Anih tờm Bơto bơtê is rơmis Pandur neh lơh is, ngềt ngơ̆t mờ broă lơh bơh he dê, pơgồp bơnah cèng wơl bơta gơboh gơbài ai ală hìu bơnhă geh kòn gơtìp kwĕt kơltê in. Bơta pal sền dờng màng ngan là ală pơgru tàm do sơnam gam kơnòm ngan mờ khi ndrờm là cau Prum lơm.

VOV.K'Ho- Củ tịc Quôk hội sồr Mpồl duh broă Jơi bơtiàn tơnguh uă cồng nha kơlôi sơnơng, kờp dŭ lài gùng dà broă lơh; gàr niam bơtàu tơnguh mờ ring bal, sền gàr bơhiàn niam chài is mờ lơh kơ̆ kơl jăp mpồl tam klăc dờng gùt jơi bơtiàn.

VOV.K’Ho - Mpồl duh broă Làng bol càr Dăk Lăk khoă XI pa ring bal Jơnau lơh nền tàm pơrjum cih bè gùng dà broă lơh dong kờl sền gàr mờ lơh niam bơta kuơ niam chài cing mồng tơngai bơh nam 2026 tus nam 2030.

VOV.K’Ho- Ngai òr (25/05), Anih duh broă Làng bol càr Lâm Đồng bơyai lơh Pơrjum sền wơl 5 nam lam lơh Ală jơnau lơh nền tơnguh cồng nha lơh broă yal tơnggit jơnau kâp hơđơm tàm măi mok yal tơnggit jơnau jat Jơnau lơh nền 135 nam 2020 bơh Thủ tướng Cíñ phủ dê.

VOV.K’Ho- Cíñ phủ pa ai lơh jat Jơnau lơh nền tàm pơrjum sồ 122, tàm hơ̆ sồr mhar lơh gơs rơndap tap sèng jơnum làng bol tiah drà, thôn, ƀòn mờ ală mpồl lơh broă dà lơgar jat jơnau sồr lơh, jơnau pơlam bơh Dà lơgar dê. Lài hơ̆, Thủ tướng Cíñ phủ kung neh jàu Ƀộ Broă dơlam is in tă pơgồp jơnau đơs bè broă rơndap lơh rơndap tap sèng thôn, jơnum làng bol tiah drà tàm quý 2 nam do, pơgồp bal mờ broă ngui mpồl kwang bàng ờ drơng mìng dùl kơnòl tàm gùt lơgar. Broă rơndap tap sèng do ờ mìng là dùl bơta kờp bè khà sồ lơm , mờ gam là broă lơh pal geh nàng lơh ndrờm bal mờ broă lơh gơnoar atbồ ƀòn lơgar 2 kâp.

VOV.K'Ho - Củ tịc Quôk hội sồr Mpồl duh broă Jơi bơtiàn rơcang lài git nền bơta geh ngan, di tŭ tă pơgồp jơnau đơs mờ Đảng, Dà lơgar bè ală broă gơ rềng tus tiah làng bol jơi bơtiàn dồ êt nă cau mờ tiah kơh bơnơm.