VOV.K'Ho- Lơh jăt broă lơh 500 ngai mang jòi rồ, tơrgùm mờ đal git măt ƀồc ntìng cau ling chơ̆t màng gam ờ tơl jơnau yal tơngit, tàm càr Gia Lai, broă ai ƀồc ntìng drơng tàm broă đal git ADN gam geh jal mhar lơh. Tơl bơto ƀồc geh pờ là geh tai dùl jơnau kơ̆p gơn nàng ală cau ling neh chơ̆t phi să tơnơ̆ mờ rài tam lơh geh hòi di mờ măt sơnđan bơh să tờm dê, mờ geh rê mờ ƀòn lơgar.

VOV.K’Ho- Mờ nùs nhơm “tài dùl Tây Nguyên lơngăp lơngai mờ bơtàu tơnguh”, Dăk Lăk gam lam lơh ring bal ală kơnòl broă ling klàng, sền gàr dà lơgar ală tiah mờ broă lơh sền gàr nhàr lơgar, pơgồp bơnah gàr kơ̆ kơl jăp chính trị, gàr niam sền gàr dà lơgar- lơngăp lơngai, lơh geh bơta gơn kơnờm ai bơtàu tơnguh lơh sa- mpồl bơtiàn tàm ù tiah càr in.

VOV.K’Ho – Tàm ală bơta uă kal ke tài bơh tŭ tơngai tam lơh neh jŏ mờ bơnah uă ngan ƀồc ntìng neh lề, ală mpồl cau tus bal broă lơh dờng “500 ngai mang” tàm càr Gia Lai kung gam lơh ngan lam lơh ring bal broă lơh ai mẫu ƀồc ntìng cau ling chơ̆t màng, jòi tơrgùm wơl mờ sền gĭt muh mat ală cau ling khin cha jak chài, cau ling chơ̆t màng dê.

VOV.K'Ho- Ngai òr (30/06), tàm càr Dăk Lăk, Bộ Kwang àng bơyai lơh sơn đờm mŭt lơh Hìu bơsram Niam chài Kwang àng Làng bol II.

VOV.K'Ho- Ngai 01 nhai 7 nam 2001, Jơnau đơs dà kòn cau K’ Ho bơh Anih jơnau đơs Việt Nam mùl màl geh pờ tơlik tàm jơnau đơs dà lơgar dê. Neh rơlao 25 nam, jơnau đơs do ờ mìng là anih yal tơngit tờm nàng ai gùng dà broă lơh bơh Đảng, adăt boh lam bơh Dà lơgar dê tus mờ làng bol mờ dà đơs mè deh dê, mờ gam pơgồp bal tàm broă prăp gàr dà đơs, akhar cih bal mờ bơta niam chài krơi is kòn cau K’ Ho dê mờ tơrbŏ bal mpồl bơtiàn tàm rài sồ.

VOV.K'Ho- Ngai òr (29/06), ồng Nguyễn Đình Khang, Bộ trưởng Bộ Jơi bơtiàn mờ Pin dờn Jăt yàng lơh broă mờ Anih duh broă Làng bol càr Khánh Hoà bè cồng nha lơh jăt Broă lơh jơnau kờñ dà lơgar bơtàu tơnguh lơh sa mpồl bơtiàn tiah làng bol jơi bơtiàn ờ gal cau mờ tiah kơh bơnơm tơngai bơh nam 2021 tus 2025, mờ lơh jăt broă lơh tơngai bơh nam 2026 tus 2030.

VOV.K’Ho- Tàm sàh Hòa Thịnh, càr Dăk Lăk bơyai lơh sơnđờm mut lơh lơh 100 nơm hìu pơrjum mpồl bơtiàn pơgồp bal mờ rcang lài pleh dà tih dà lìu tàm ală thôn, ƀòn.

VOV.K’Ho- Tơnơ̆ mờr 8 nhai mut lơh, 2 nơm Hìu bơsram ơm sa bĭc tơn tàm hìu bơsram kấp 1 mờ kấp 2 tàm 2 sàh tiah nhàr lơgar Quảng Trực, Thuận An càr Lâm Đồng dê gam gơ jal ngan mut lơh broă lơh lơh sir mờ pơnđơl pràn lơh ngan lơh sir lài mờ ngai 15/8/2026.

VOV.K’Ho- Tàm tŭ tơngai dà lơgar gam lơh pràn tam gơl wơl broă lơh bơh Quốc hội dê, tơrmù dipal mpồl lơh broă sră pơ àr gơnoar atbồ mờ bơt bơtàu rài lơh broă sră pơ àr drơng broă, lơh broă làng bol kơp kờñ ơm tềng đap jơnau sồr tam gơl pràn ngan. Bè hơ̆ den tàng, lơh broă làng bol kơp kờñ pal là gah git gŏ gờñ nùs nhơm làng bol, là mpồl tơngkah lài gùng dà broă lơh, là bơta đo was bơta niam đơng lam broă dà lơgar. Do là jơnau pơyua geh ồng Trần Thanh Mẫn, Chủ tịch Quốc hội đơs tàm Dar pơrjum dơ̆ 3 Anih duh broă Lơh kơnòl broă sùm Quốc hội dê.

VOV.K'Ho- Mho ngai 25/6, đơng lam Pơrjum gùt lơgar bè sền gàr kơnòm dềt, mò Phạm Thị Thanh Trà, Bí thư Đảng Dà lơgar, Phó Thủ tướng Chính phủ, Chủ tịch Anih duh broă Dà lơgar bè kơnòm dềt đơs sùm: Sền gàr kơnòm dềt pal là kơnòl broă ai lài khà dùl mờ kơnòl bơh cau lam bồ dê.