VOV.K’Ho- Anih duh broă Lơh kơnòl broă sùm Quôk hội neh ring bal yal Quôk hội sền sơ wì, tam gơl tơl làm Adat lơh jat ngan ngồn tềm pềr, kơryan pơhì pơhà tàm pơrjum dơ̆ 10 mờr tus jat broă rơndap lơh sră nggal tơrmù lơyah. Jơnau kờñ là lơh gơlik bơnàng jă cíñ trị adat boh lam tơl làm, kơ̆ kơljap, nàng tềm pềr mờ kơryan pơhì pơhà gơ gơs bơta mờng kwèng tàm rài kis, jơnau pal jat bè nùs nhơm bơh tơl nă cau dê nàng kờñ lơh gơs bơta pràn tàm dơlam bơtàu tơnguh kơ̆ kơljap jŏ jòng sùm.

VOV.K’Ho – Càr Dăk Lăk pa lơh gơs broă lơh tơn jơh hìu ing, hìu ồm sèt nhăt dà mìu, dong kờl hìu bơnhă kal ke bè hìu ơm.

VOV.K'Ho- Tơnơ̆ 1 nhai mờ nggùl ngan ngồn lơh broă, tàm uă sàh tàm càr Lâm Đồng kung gam bơta ai kwang bàng tìs gơnoar broă, ờ di broă – geh tiah den jơngkah, geh tiah den ờ tơl kwang bàng lơh broă mờng chài. Bơta do lơh broă lơh bơh gơnoar atbồ kâp sàh dê ờ hềt lơh geh cồng nha bè bơta kơp kờñ. Đal git loh bơta ờ niam do, càr Lâm Đồng gam lam lơh uă broă lơh bè broă lơh kwang bàng nàng gàr niam cồng nha lơh broă gơnoar atbồ ală sàh.

VOV.K’Ho- Pơn jat tai dar pơrjum dơ̆ 48, mho òr (12/08), Anih duh broă Lơh kơnòl broă sùm Quôk hội ai jơnau đơs cih dờp mblàng lơh loh Jơnau rơcang cih Adat broă lơh jat sền bơh Quôk hội mờ Mpồl duh broă làng bol dê.

VOV.K'ho- Tàm Hìu lơh broă Quôk hội, Anih duh broă Lơh kơnòl broă sùm Quôk hội bơyai lơh Anih cribơyai bơh Quôk hội dê bè jat sền mờ tơngume “Jat sền bơh Quôk hội dê nàng bơt bơtàu bơtàu tơnguh”. Đơs tàm anih cribơyai, Củ tịc Quôk hội ồng Trần Thanh Mẫn đơs sùm, Anih duh broă lơh kơnòl broă sùm Quôk hội pal jat sền sùm, kờp bal mờ nisơna nàng git gŏ ală broă ờ niam, di tŭ tă bơsong bơta kal ke.

VOV.K'Ho- Broă lơh “Lơh broă tài mpồl bơtiàn” dơ̆ 31 neh rơwah sàh Kon Chiêng, do là dùl tàm ală tiah kal ke ngan càr Gia Lai dê là anih tus. Geh bơyai lơh tàm bàr ngai, broă lơh do neh cèng geh broă tam pà bal bơh gùt tiah tàm lơgar tus mờ làng bol jơi bơtiàn ờ gal cau kis tàm do.

VOV.K'Ho- Tàm tŭ tơngai broă lơh gơnoar atbồ ƀòn lơgar 2 kâp gam geh lam lơh pràn ngan tàm càr Dăk Lăk, broă dong kờl làng bol git mờ ngui chài rơgơi ală măi mok sồ gơ gơs là broă kuơmàng ngan.

VOV.K'Ho- Tàm càr Dăk Lăk, Ƀộ Bơto bơtê mờ Bơsram neh bơyai lơh ai jơnau đơs tàm Jơnau rơcang cih “Ală jơnau lơh nền bơto bơtê cau lơh broă geh bơta niam uă cau jơi bơtiàn dồ êt nă cau tàm ală gah broă, mpồl gah broă, ală broă kuơmàng tơngai bơh nam 2025 tus nam 2035, broă rơndap lơh tus nam 2045”. Do là broă lam lơh ngan ngồn lơh jat Jơnau lơh nền sồ 1657 bơh Thủ tướng Cíñ phủ dê bè broă rơndap lơh broă lơh jơi bơtiàn tơngai bơh nam 2021 tus nam 2030, broă rơndap lơh tus nam 2045.

VOV.K'Ho- Broă lơh tơn jơh hìu sèt, hìu ồm ñhăt dà mìu tàm Tây Nguyên gam rơhời lơh gơs jơh. Git nđờ rơbô hìu neh geh jào, gơs hìu pa, lơh gơs nùs nhơm niam tàm ală ƀòn, pơlam làng bol pin dờn brồ guh.

VOV.K’Ho- Tơngai pa do, Mpồl ling phàu crong càr Quảng Ngãi bơyai lơh uă broă lơh geh ngan wèt rê mờ ală Mè Việt Nam khin cha jak chài, cau pròc mhàm cau ling chơ̆t màng, hìu bơnhă dờp bơta dong kờl bơh mpồl bơtiàn dê. Uă broă lơh tàm sơnđàc bal bè dong kờl ngai lơh hìu bơta nđàc, lơh niam wơl hìu ơm, kham kòp, pà sơnơm ờ sa priă geh kwang bàng, cau ling bơyai lơh tàm uă tiah. Ală broă lơh do geh bơh jơnau sồr bơh plai nùs cau ling Wa Hồ dê.