Jat hơ̆, ală kơnòm bơsram 4 hìu bơsram kâp pe mìng dùl gah geh hìu ơm ngài hìu bơsram bơh 15 kơi sồ rlau hơđang rơp geh dờp gùng dà, broă lơh dong kờl priă tă dơ̆ ngui bơh càr Lâm Đồng dê. Mùl màl, gơ wèt mờ kơnòm bơsram hìu bơsram mìng dùl gah ơm sa bic tơn tàm hìu bơsram ờ sa priă anih ơm, priă đèng, priă dà; mờ kung dờp dong kờl priă sa 936 rbô đong pah nhai. Gơ wèt mờ bơta hìu bơsram ờ hềt rơndap geh anih ơm sa bic tơn, bơdìh priă sa, ală oh rơp geh dong kờl tai 360 rbô đong pah nhai priă ơpah hìu.

Gùng dà broă lơh di tŭ do càr Lâm Đồng dê geh ngui bơh nam bơsram pa 2026 - 2027 ờ mìng tơrmù ƀà bơta kơnjơ̆ priă jền hìu bơnhă in, mờ gam lơh gơlik bơta gơn kơnờm dong ală kơnòm bơsram ngài hìu iang nùs bơsram sră tàm 4 hìu bơsram mìng dùl gah càr dê, geh: Hìu bơsram kâp pe mìng dùl gah Bảo Lộc, Hìu bơsram kâp pe mìng dùl gah Thăng Long, Hìu bơsram kâp pe mìng dùl gah Trần Hưng Đạo mờ  Hìu bơsram kâp pe mìng dùl gah Nguyễn Chí Thanh.