Jat jơnau yal bơh Mpồl rờ tơrgùm ƀồc ntìng cau chơt màng dê, tàm ngai, ală mpồl lơh broă pơn jat tai lòt jòi tàm bă tiah dơ̆ 2 gơ wèt Tiah B, lơh niam rlau 500 khối ù mờ pờ ơnàng bă tiah gròi sền. Mpồl lòt jòi, rờ tơrgùm ƀồc ntìng cau chơt màng gơ wèt Gah đơng lam Ling klàng ƀòn dờng Hồ Chí Minh neh git gŏ, rờ geh tai 10 ƀồc ntìng cau chơt màng mờ dùl khà phan lời tơl tàm Tiah B, Suơn bal Lê Thị Riêng.

Kờp bơh ngai 23/6 tus jơh ngai 07/9, ală mpồl lơh broă neh git gŏ, rờ tơrgùm geh kờp jơh 592 ƀồc ntìng cau chơt màng, tàm hơ̆ 274 ƀồc ntìng geh phan lời wơl. Tàm khà do, 559 ƀồc ntìng geh git gŏ tàm ală bă tiah krơi is; 33 ƀồc ntìng geh jòi bàn tàm 8 bă tiah bơtô ƀồc tơp bal, geh bàr tiah tàm Tiah A mờ 6 tiah tàm Tiah B. Broă lòt jòi, rờ tơrgùm ƀồc ntìng cau chơt màng tàm Suơn bal Lê Thị Riêng gam pơn jat tai geh lam lơh.