Tơnơ̆ mờ tŭ tơn jơh kơnòl broă tàm kàl prang nam 2025-2026, bơh ngai 25 nhai 6 tus ngai 03 nhai 9, Mpồl Đơng lam Ling klàng càr Gia Lai pơn jăt tai ai mpồl ling pơgồp bal mờ mpồl sền gàr, lam gùng bơh 3 càr tàm tiah đah tô măt tơngai Lik lơgar Campuchia mblàng yal, lam làng bol yal bè ƀồc cau ling chơ̆t màng, drơng kơnòl broă jòi rồ, tơrgùm ƀồc ntìng cau ling chơ̆t màng kàl prang nam 2026-2027.

Tàm tơngai do, Mpồl K52 neh lòt sền tàm 254 ƀòn tàm càr Rattanakiri mờ Stung Treng. Bơh ngai 12 nhai 8 tus tŭ do, Mpồl do neh rồ tơrgùm geh 5 ƀồc ntìng cau ling chơ̆t màng, tàm hơ̆ 3 ƀồc ntìng tàm càr Rattanakiri mờ 2 ƀồc ntìng tàm càr Stung Treng; mờ đal git, tơrgùm tai jơnau yal tơngit bè ală cau ling chơ̆t màng geh tơ̆p lài ngan. Bơh tŭ hơ̆, tơnguh khà ƀồc ntìng neh tơrgùm tus tŭ do là 1 rơbô 536 ƀồc ntìng cau ling chơ̆t màng bal mờ cau jăk lơgar Việt Nam neh phi să tàm lơgar Campuchia mờ cèng rê hờ lơgar tòm.