VOV.K’Ho- Ngai òr (13/09), Mpồl lòt jòi, rồ tơrgùm git gŏ tai 11 ƀồc ntìng cau chơt màng tàm rbòng tơp ƀồc sồ 2, Tiah A, Suơn bal Lê Thị Riêng, tơnguh khà ƀồc ntìng geh jòi bàn tàm do gơguh tus 627 ƀồc ntìng.

VOV.K’Ho- Tơnơ̆ rlau 2 nhai lam lơh, 100 nơm hìu pơrjum mpồl bơtiàn pơgồp bal mờ hìu pleh dà tih dà lìu tàm ală thôn, ƀòn tàm ù tiah càr Dăk Lăk gam gơ jal ngan lơh sir ală broă lơh dŭt ndơ, crăp rcang sền sơwì ai mut ngui jat broă rơndăp lơh bơh ngai 15/9, tŭ mìu càl rơbŭt dờng mờr tus rềp.

VOV.K’Ho- Tơnơ̆ tŭ lơh jăt rơndap tap sèng anih lơh broă, mpồl lơh broă sră pơ àr gơnoar atbồ, broă atbồ, ngui geh cồng nha hìu lơh broă mờ jơtài dà lơgar jơngkah wơl gam là broă geh cau tĕ khà mờ làng bol sền gròi ngan. Tàm càr Gia Lai mờ càr Dăk Lăk, Mpồl cau ala mat Quốc hội ală ƀòn lơgar pa lam lơh jat sền mìng dùl tơngume bè broă do. Bơh hơ̆, pơgồp bơnah sền swì bơta geh ngan, đal git ală kal ke mờ dan geh ală gùng dà broă rơndăp lơh ngui geh cồng nha priă jền (bơta pràn) dà lơgar, pleh pơhì pơhà.

VOV.K'Ho- Anih duh broă Làng bol càr Gia Lai pa tam lơh wơl broă rơndăp lơh rơndăp làng bol ơm kis tiah trồ tiah lơh aniai nam 2026.

VOV.K’Ho- Tàm ală ƀòn tiah làng bol jơi bơtiàn dồ ết nă cau Tây Nguyên, gàr ring lơngai ờ mìng là kơnòl broă bơh mpồl lơh broă geh gơnoar dê lơm mờ gam geh bơta pơgồp bơta pràn kơ̆ ngan bơh ală kra ƀòn, cau geh bơngă pin dờn dê. Tàm càr Lâm Đồng, mờ bơngă pin dờn, bơta lơh krơh lam lài mờ jơnau đơs geh mpồl bơtiàn pin dờn, khi pơgồp bơnah ai gùng dà broă lơh, adat boh lam tus tơl hìu bơnhă, cri tơrña bơyai tam lah tam ring bơh gờñ, hòi jà làng bol pleh ngài lơh tìs, ờ iăt jat jơnau bơchồt mờ bal mờ gơ̆p sền gàr lơngăp lơngai, rơndăp tăp sèng bơh tàm ƀòn lơgar tơn. Bơh ală broă lơh ngềt ngơ̆t mơya geh ngan hơ̆, bơta ring lơngai geh bơt bơtàu pah ngai tàm tơl ƀòn dê.

VOV.K'Ho- Bulah nam bơsram pa neh sơnđờm mờr dùl poh, mơya ờ dồ êt nă kơnòm bơsram tàm càr Dăk Lăk kung gam ờ hềt geh tơl sră măy gam geh hòi là sră bơsram nàng bơsram. Uă oh pal ngui sră yau, ngui bal sră mờ bơyô halà ơm kơ̆p hìu bơsram bơtơl. Bơta geh ngan do gơlik geh dồ êt tàm uă ƀòn lơgar, loh rlau tàm ală klờng geh gal kơnòm bơsram jơi bơtiàn dồ êt nă cau, kơnòm bơsram geh rài kis kal ke.

VOV.K’Ho- Ngai òr (07/09), mpồl lòt jòi, rờ tơrgùm ƀồc ntìng cau chơt màng gơ wèt Gah đơng lam ling klàng ƀòn dờng Hồ Chí Minh neh git gŏ, rờ geh tai 10 ƀồc ntìng cau chơt màng mờ dùl khà phan lời wơl tàm tiah B, Suơn bal Lê Thị Riêng.

VOV.K’Ho- Anih duh broă Làng bol càr Gia Lai pa lam lơh tam pà rlau 1 rơbô 700 tấn phe bơh gah ơn prap dà lơgar dê nàng dong kờl rlau 31 rơbô nă kơnòm bơsram, cau bơsram tàm ù tiah càr in tàm tơngai bơsram dơ̆ I nam bơsram 2026-2027 jat bàr broă lơh dong kờl bơh Chính phủ dê.

VOV.K'Ho- Mpồl Sồr lơh lòt jòi rồ, tơrgùm mờ đal git ƀồc ntìng cau ling chơ̆t màng càr Gia Lai pa bơyai lơh Lik lòt jòi, jào kơnòl ai Mpồl K52 in lơh jăt kơnòl jòi rồ, tơrgùm ƀồc ntìng cau ling chơ̆t màng mờ cau jăk chài lơgar Việt Nam phi să tàm lơgar Campuchia bơh ală rài, tàm kàl prang nam 2026-2027.

VOV.K’Ho- Đơs tàm dar pơrjum dơ̆ 6 Anih duh broă Lơh kơnòl broă sùm Quốc hội dê poh lài, ồng Trần Thanh Mẫn - Chủ tịch Quốc hội sồr geh dùl nùs nhơm sùm, ờ tam gơl: Khà broă uă mơya bơta niam ờ gŏ di gơmù; tŭ tơngai jal mhar mơya bơta duh rơngòt adat boh lam ờ gŏ di thoàr; jàu kơnòl loh den kơnòl pal tus gùng tus dà.