Jat Gah đơng lam Ling klàng ƀòn dờng Hồ Chí Minh, tàm ngai 13/9, ală mpồl lơh broă pơn jat tai rề ơnàng lòt jòi tàm rbòng sồ 2, Tiah A, Suơn bal Lê Thị Riêng.

Rlau 300 khối ù neh geh bơsong, mờ 3 nơm măi chŏ, 1 nơm rơndeh ben, 2 nơm rơndeh kong goa 3,5 tấn geh ai tus nàng drơng broă tờ, jun pơndiang ù. Tàm 11 ƀồc ntìng cau chơt màng geh jòi gŏ, rồ tơrgùm tàm ngai, geh 7 ƀồc ntìng geh phan lời wơl. Tus ngai 13/9, mpồl lòt jòi neh git gŏ, rồ tơrgùm geh 627 ƀồc ntìng cau chơt màng, tàm hơ̆ 294 ƀồc ntìng geh phan lời wơl. Ală mpồl lơh broă pơn jat tai rề ơnàng lòt jòi tàm Tiah A, tơrgùm tàm rbòng sồ 2 mờ ală tiah geh pin geh gơ rềng.