Lam lơh broă lơh dờng, càr Khánh Hòa neh lơh gơs ai mẫu gơ wèt mờ 2 rbô 124 bơtô ƀồc ntìng cau chơt màng ờ hềt git muh mat, gờñ rlau broă rơndap lơh 4 nhai. Tàm khà do, 1 rbô 240 mẫu geh tơl bơta nàng sền git ADN mờ neh geh jàu ai Anih kơlôi sơnơng sền swì mờng chài drơng lùp khàu, lah yă Ling klàng dê in.

Tus tŭ do, gùt càr neh tơrgùm ai rlau 90% khà mẫu jat broă rơndap lơh tàm ală ƀòn lơgar. Gơ wèt mờ kơnòl lòt jòi, rồ tơrgùm, mpồl lơh broă geh gơnoar neh jòi, rồ geh 59 ƀồc ntìng cau chơt màng; tàm hơ̆, 14 nă cau chơt màng neh geh git nền wil tơl jơnau yal tơnggit nàng lam lơh ies, còp mờ tơp. Tơngai tus, càr Khánh Hoà pơn jat tai sền nền wơl, git nền jơnau tơnggit tàm ală tiah neh geh tŭ tam lơh, ù tiah pôs đồng kac màng, brê bơnơm mờ ală tiah pin geh bơtô ƀồc tơp bal; mờ kung rơcang bơyai lơh còp, ies, tơp ƀồc ntìng cau chơt màng kâp càr yŭ rơyùm, nền nòn, di jơnau sồr.