VOV.K'Ho- Tổng Ƀí thư ồng Tô Lâm đơs sùm broă sền gàr ai cau kuĕt kơlte in ờ mìng cèng bơta kwơ niam nùs nhơm dong kờl kòn bơnus dê lơm mờ gam là đo was bơta niam jak, là jơnau sồr bơh bơtàu tơnguh kơnhăp jŏ mờ mŭt gơ rờm bal ală lơgar.

VOV.K'Ho- Jơnau rơcăng cih Jơnau yal cíñ trị Mpồl Duh broă Đảng Dà lơgar khoă XIV dê đơs sùm: “Bơ̆t bơtàu mpồl kwang bàng đơng lam, ătbồ ală kâp bơh ală anih lơh broă cíñ trị dê, ngan là kwang bàng tờm mờ kâp hơđơm mùl màl pơnrơ ngan, geh bồ tơnggoh gĭt wă, pràn jak ătbồ broă gơguh jak, dipal mờ broă lơh tơrlòng lài mpồl lơh broă pa mờ jơnau sồr bơtàu tơngguh tam gơl pràn bơh dà lơgar dê”. Tơngume do geh kwang bàng, đảng viên ală càr tiah bơnơm, nhàr lơgar is ồn sền gròi mờ geh uă jơnau đơs jơh nùs jơh tồr bè ală broă lơh bơsong kờñ pal tơrgùm lơh jăt tàm tơngai lơh broă tus.

VOV.K'Ho- Broă Sờh Bơto bơtê mờ Bơsram càr Dăk Lăk gam jal mhar jun sră măi tus ală sàh gơtìp aniai, rơ̆p dong kờl nam bơsram gờñ geh lơh wơl, mờ dong kờl tơrmù kal ke priă tă ai ală hìu nhă tơnơ̆ mờ tŭ jơh ală phan bơna neh gơtìp roh tài dà pơrdô.

VOV.K'Ho- Bal mờ càr Dăk Lăk, Dơ̆ sơn đờm mŭt lơh, mhar lơh hìu dong kờl làng bol tàm tiah dà tih dà lìu kung geh bơyai lơh tàm càr Gia Lai, Khánh Hoà mờ priă tă lơh ờ uă ngan 170 tơlăk đong tàm 1 nơm hìu.

VOV.K’Ho- Lơh sơnơm bal mờ niam chài, bơto bơsram là ală broă tờm kuơmàng ngan, ờ mìng là broă jàu mờ gam là bơta gơn kơnờm nàng bơtàu tơnguh mpồl cau lơh broă. Hơ̆ là jơnau đơs bơh Tổng Ƀí thư ồng Tô Lâm dê tŭ Quôk hội cribơyai tàm jơnum bè 2 broă lơh Jơnau kờñ dà lơgar bè sền gàr pràn kơldang, khà kờp làng bol mờ broă lơh ngui măy mŏk, tơnguh uă cồng nha bơto bơtê mờ bơsram tơngai bơh nam 2026 tus nam 2035. Jat Tổng Ƀí thư đơs, jơnau kờñ dà lơgar ờ di là mìng is bơh gah bơto bơsram halà lơh sơnơm dê lơm, mờ là bơh jơh gùt mpồl bơtiàn dê, jơh gùt mpồl bơtiàn pal lơh bal, pal ring bal jơnau kờñ, pleh ndrờm bal ờ kwơ, tam pà dềt rah rài priă jền, tài dut ndơl den làng bol pal là cau geh dờp ngui ngan ngồn.

VOV.K'Ho- 200 bơnah phan pà, tơl bơnah phan 10 kĭ phe, geh pơyua tus 200 hìu bơnhă tàm 2 sàh Hoà Thịnh mờ Đông Hoà- ală hìu bơnhă kong hoàc huơr kơn jơ̆ kơn jŭt ngan.

VOV.K'Ho- Củ tịc Anih duh broă làng bol càr Lâm Đồng pa kĭ tơlik jơnau Lơh nền tàm pơrjum dờp 95 sàh, sơnah ƀòn tiah kơh bơnơm tàm càr do.

VOV.K’Ho – Anih duh broă Làng bol sàh Phan Sơn, càr Lâm Đồng, gơ wèt kơnhoàl Bắc Bình, càr Bình Thuận yau bơyai lơh sơn đờm lơh 4 nơm hìu ai làng bol jơi bơtiàn dồ êt nă cau gơtìp kal ke in.

VOV.K'Ho- Dờp bal jơnau hòi jà bơh Mpồl Củ tịc Anih duh broă Mặt trận Dà lơgar Việt Nam, mho òr (25/11), ồng Trần Thanh Lâm, Phó Lam bồ Mpồl Mblàng yal bơto bơtê mờ Hòi jà Làng bol Dà lơgar neh jào 450 tơlăk đong bơh mpồl kwang bàng, đảng viên, cau lơh broă tàm Mpồl Mblàng yal Bơto bơtê mờ Hòi jà Làng bol Dà lơgar dê dong kờl làng bol tàm tiah dà tih dà lìu.

VOV.K'Ho- Phó Thủ tướng ồng Hồ Đức Phớc pa kĭ Sră nàng dong kờl jal mhar priă ai 4 càr Khánh Hoà, Lâm Đồng, Gia Lai mờ Dăk Lăk in nàng bơsong bơta gơlời hoàc huơr tài bơh mìu dà tih dà lìu.