VOV.K'Ho- Rài tam lơh neh lòt ngài, mơya ală roh rui mờ jơnau gơlời wơl kung gam sơl mpờl gŏ sùm tàm rài kis bơh uă hìu bơnhă cau geh dà kơlhề mờ kăc màng dê tàm càr Gia Lai. Lơh jăt jơnau lơh nền bơh Chính phủ dê bè dong kờl tơn jơh hìu ing, hìu ồm sèt ñhăt dà mìu ai kòn deh bơh cau lơh broă lòt tam lơh dră wơl mờ cau sò tơm gơtìp bơtờp sơnơm khih hoá họk, ală ngai do, kwang bàng, cau ling mpồl phàu crong gam sơm băt tê bal lơh gơs ală rơkàng hìu nùs nđàc, pơgồp bơnah kah rơngal ală cau neh phi să, tă pơgồp dà kơlhề tài lơngăp lơngai is, khăt gơboh is bơh Dà lơgar dê in.

VOV.K'Ho- Kwang àng càr Lâm Đồng pa pơgồp bal mờ ală mpồl lơh broă gơrềng bal dờp rơlao 1 rơbô 500 mẫu ADN bơh cau pròc mhàm cau chơ̆t màng nàng bơ̆t bơtàu anih yal tơngit dà lơgar drơng tàm broă đal git măt ƀồc ntìng cau chơ̆t màng ờ hềt git loh jơnau tơngit.

VOV.K'Ho- Rlau 300 nă cau ala mat geh màng mờ dà lơgar pơn rơ jak ngan ala mat ai gĭt nđờ tơlak nă cau ling sồt să, cau ling kòp tê jê să, cau pròc mhàm cau ling chơ̆t màng mờ cau geh màng mờ dà lơgar tàm gùt kơnhoàl ù tiah Dà lơgar dê tus bal mờ pơrjum.

VOV.K’Ho- Di dơ̆ tơnkah 79 nam ngai Cau ling sồt să - Cau ling chơ̆t màng (27/7), Anih duh broă Làng bol càr Dăk Lăk neh lam uă mpồl lòt lùp còp, pơndờm pơnđiang mờ jàu pà ală bơnah phan pà geh kwơ ai ală cau cíñ sác (hơ̆ là ală cau dờp bơta dong kờl mpồl bơtiàn) tàm ù tiah gùt càr in.

VOV.K'Ho- Di tàm dơ̆ do, càr Dăk Lăk neh lam lơh broă dong kờl lơh tai 300 nơm hìu Tam klăc dờng ai hìu rơƀah, hìu pa lik klàs rơƀah in.

VOV.K'Ho- Lơh jăt Jơnau lơh nền tàm pơrjum sồ 1719 bơh Thủ tướng Chính phủ dê bè Broă lơh jơnau kờñ dà lơgar bơtàu tơnguh lơh sa mpồl bơtiàn tiah làng bol jơi bơtiàn ờ gal cau mờ tiah bơnơm tơngai bơh nam 2021 tus 2030, càr Lâm Đồng neh tơrgùm sền wơl, ai tơngŏ jơnau kờñ bơcri priă lơh ală broă lơh jal mhar tàm nam do nàng tơnguh uă rài kis làng bol tàm tiah làng bol jơi bơtiàn ờ gal cau mờ tiah bơnơm.

VOV.K’Ho- Tàm dar lùp mờ hơ jơnau lùp Dơ̆ pơrjum dơ̆ 2, Mpồl duh broă Làng bol càr Dăk Lăk khoă X tơrgùm tàm uă broă (duh) hơ̆ broă geh sền gròi uă, tàm hơ̆ pơnrơ ngan là broă lơh niam wơl anih bơcri priă, kă bro, dong kờl mpồl lơh sa kă bro bơtàu tơnguh wơl mờ lơh gơlik bơta gơn kơnờm gơguh lơh sa.

VOV.K'Ho- Geh ală kơnòl broă ờ gơtùi was mờ khà broă ha là tơngai lơh gơs, mờ geh was mờ nùs nhơm git ưn ngài mờ geh kơnòl gơwèt mờ ală cau neh phi să tài Dà lơgar tờm. Lơh jăt Broă lơh dờng 500 ngai mang lơh pràn broă lòt jòi, rờ tơrgùm mờ đal git măt ƀồc ntìng cau ling chơ̆t màng, dơ̆ sơnrờp geh uă kwang bàng lơh sơnơm, cau ling tàm ală mpồl ling klàng làng bol ală sàh, sơnah ƀòn tàm càr Gia Lai dờp lơh broă kwơ màng: Ai mẫu ADN bơh ƀồc ntìng cau ling chơ̆t màng. Bơh ală tŭ sơnrờp gam kwi kwơ, ală cau do gam pơgồp bal bơta pràn tàm broă lơh jòi wơl măt sơnđan ai ală cau jăk chài, cau ling chơ̆t màng, ală cau neh chơ̆t phi să tài lơngăp lơngai is, khăt gơboh is jơi bơtiàn dê.

VOV.K’Ho- Mìng gam ờ hềt tơl 1 nhai tai nàng lơh sir mờ jàu 3 nơm hìu bơsram ơm sa bĭc tơn ală kấp tàm ală sàh tiah nhàr lơgar Ia R'vê, Ia Lốp mờ Buôn Đôn, càr Dăk Lăk. Tàm ală tiah lơh broă bơ̆t bơtàu, gĭt nđờ rơhiang nă kỹ sư, cau lơh phan bal mờ mpồl ling klàng gam lam lơh broă sùm, jơh nùs lơh ngan lơh sir jơh ală broă lài mờ ngai 31/7 do, lơh geh ală bơta nàng gah bơto bơtê in crăp ơn phan ngui măi mok, crăp rcang wă rlau 3 rơbô nă kơnòm bơsram mut tàm nam bơsram pa 2026-2027.

VOV.K'Ho- Mho ngai 15/7, Sờh Broă lơh sa sươn sre mờ Tiah ơm kis càr Dăk Lăk pơgồp bal mờ ală mpồl lơgar Canada dê neh sơnđờm lơh Rơndăp broă lơh “Li la bơta kis mờ tŭ niam broă lơh broă sa ai cau ùr jơi bơtiàn dồ êt nă cau in” (hòi lơyah là Rơndăp broă lơh BLOOM).