VOV4.K’Ho- Drim òr (12/09), di tàm dơ̆ rơcang wă rò satềp Trung thu, Phó Củ tịc lơgar mò Võ Thị Ánh Xuân neh tus còp, pà phan ai ală kơnòm dềt gơtìp kòp gam sơm kòp tàm Hìu lơh mhàm –Tơmŭt mhàm Dà lơgar.

VOV4.K’Ho- Drim òr (12/09), tàm Hìu Quốk hội, lài mờ tŭ sơn đờm Pơrjum dơ̆ 37 bơh Anih duh broă lơh kơnòl broă sùm Quốk hội, Cơl dŭ lơh broă Quốk hội bơyai lơh tă pơgồp, dong kờl làng bol bơsong hoàc huơr bơh mìu càl rơbŭt dờng sồ 03.

VOV4.K’Ho- Càr Dăk Lăk tŭ do geh 115 rbòng dà geh pơhìn roh bơta lơngăp lơngai, mơya càr gam gơtìp kal ke bè priă jền nàng lơh niam mờ lơh kơnhăp wơl.

VOV4.K’Ho- Mho ngai 11/09, tàm ƀòn dờng Kon Tum, Mpồl Lơh kơnòl broă sùm Tỉñ đoàn càr Kon Tum lam lơh dơ̆ tă pơgồp bal dong kờl làng bol ală càr tiah đah Tô in bơsong jơnau gơ lời wơl tài bơh mìu càl rơbŭt dờng sồ 3.

VOV4.K’Ho- Phó Kwang atbồ dờng Anih jơnau đơs Việt Nam (VOV) ồng Vũ Hải Quang còp să mờ tam pà jơnau moăt jrùng mờ hìu nhă cau ling kwang àng chơ̆t phi să tŭ lơh kơnòl broă drơng mờ mìu càl rbŭt dờng Yagi tàm càr Quảng Ninh.

VOV4.K’Ho- Ală ngai do, uă anih lơh broă, mpồl lơh broă, ală mpồl lơh broă nùs nhơm dong kờl tàm càr mờ bơdìh càr Dăk Lăk neh bơyai lơh uă broă lơh mùl màl, geh kwơ tàm broă drơng satềp Trung thu ai kơnòm dềt in, tàm hơ̆ uă ngan là kơnòm dềt geh rài kis gơtìp kal ke, kơnòm dềt kis tàm tiah ngài. Kàl Trung thu nam do gam mờr tus mờ kơnòm dềt tàm ală thôn, ƀòn tàm săp ntas sơngơr tamya nggrài chờ hờp bal mờ ală nùs nhơm ram mhŭ ngan.

VOV4.K'Ho- Di dơ̆ mut nam bơsram pa 2024 – 2025, Củ tịc Quôk hội ồng Trần Thanh Mẫn neh tus bal dơ̆ mut nam bơsram pa bơh pơgru mờ kơnòm bơsram Hìu bơsram kâp pe Phạm Hùng dê tàm ƀòn drà dềt Long Hồ, kơnhoàl Long Hồ, càr Vĩnh Long – do là hìu bơsram pơn yờ să mat cèng mat sơnđan bơh ƀồc Thủ tướng dê. Đơs tàm do, Củ tịc Quôk hội ồng Trần Thanh Mẫn đơs nền, Đảng mờ Dà lơgar he sùm đal git, bơto bơsram là broă lơh dà lơgar khà dùl, bơcri ai bơto bơsram in là bơcri ai bơtàu tơnguh in, lời ai ală bơta niam ngan rlau jơh nàng sền gròi ai broă lơh bơto bơsram in.

VOV4.K'Ho- Dơ̆ Cribơyai neh dờp geh rlau 70 jơnau cih bơh ală cau ala mat mờ rơ wah geh 39 jơnau cih neh sền sơwì, pơndàng tàm sră lời kir sơnrai dơ̆ cribơyai dê.

VOV4.K'Ho- Nam bơsram pa neh sơn đờm, mơya bơta kơnòm bơsram tàm tiah kal ke, tiah gal làng bol jơi bơtiàn dồ êt nă cau lòt bơsram ờ tơl sùm là bơta kơlôi rơcang bơh ală cau lơh broă gah bơto bơsram càr Dăk Lăk dê. Ală ngai do, kwang bàng, cau pơgru ală hìu bơsram bơdìh mờ rơcang lài jơnau bơto bơtê gam pal lòt tus tơl hìu, hòi jà tơl nă mè bèp, tơl nă kơnòm bơsram mờ bơta kơp kờñ ală oh lòt bơsram wil tơl. Mờ bơta lơh ngan “Ờ lời kơnòm bơsram lơi tài rài kis kal ke mờ pal sang tĕ bơsram, Gah Bơto bơtê mờ Bơsram càr Dăk Lăk neh lam lơh uă broă lơh sền gròi kơnòm bơsram in lài mờ nam bơsram.

VOV4.K’Ho- Ală broă lơh dong kờl kơnòm bơsram tiah sar lơgar ngài, tiah làng bol jơi bơtiàn dồ ết nă cau jat Jơnau lơh nền Cíñ phủ dê sồ 116 nam 2016 mờ Jơnau lơh nền Cíñ phủ dê sồ 81 nam 2021 bơh Cíñ phủ dê gam lơh jat niam geh cồng nha tàm càr Dăk Nông.