VOV.K’Ho – 4 jơ drim, tŭ brê bơnơm gam gơ ơm tàm bơta noat mrềt, dùl bơnhă ồs neh hìt tàm Hìu bơsram kòn cau ơm sa ngai kâp 1 Tu Mơ Rông, càr Quảng Ngãi (kơnhoàl Tu Mơ Rông, càr Kon Tum yau). Ală pơgru ngềt ngơt sing ồs, trŭ gơm tơl dơ̆ sa drim kơnòm bơsram in. Tàm tiah kơh bơnơm, cau pơgru geh tŭ ờ mìng bơto sră tàm ơdŭ, mờ gam kơlôi rơcang tơl dơ̆ sàu sa, bic lơhă, pràn kơldang mờ jòi broă nàng gàr kơnòm bơsram ơm wơl mờ ơdŭ bơsram, hìu bơsram.

VOV.K'Ho- Tài bơh rềs àr, kòp gơtờp, tam gơl trồ tiah, ală gơrềng ờ niam bơh tiah kis mờ rềs àr tàm gùng lòt, rề sàr lơh broă… den tàng lơgar Việt Nam geh di pơgăp 1 tơlăk 500 rơbô nă kơnòm dềt geh rài kis gơtìp kal ke. Bal mờ broă sền gròi uă ngan bơh Đảng, Dà lơgar, tàm ală nam do, uă kơnòm dềt kòn đời, kơnòm dềt gơtìp sơrbì is geh gùt mpồl bơtiàn sền gròi, sền gàr, ròng siam mờ bơto bơtê nàng ală kơnòm dềt geh tơl bơta niam nàng bơtàu tơnguh tơl ală bơta ndrờm bè kơnòm dềt ndai dê sơl.

VOV.K’Ho- Mìu dờng di tŭ tơngai toès kòi lơh uă ƀlàng lơh kòi tàm sàh Nghĩa Giang, càr Quảng Ngãi ngơr jrô tàm dà. Rơndeh toès kòi ờ gơtùi mù tàm lŏ sre, làng bol pal tiă tàm dà, toès tơl căp jòi cèng guh hơđang. Ală mpồl ling griăp ƀòn, cau ùr, gam mù tàm lŏ sre dong kờl làng bol toès kòi.

VOV.K'Ho- Dơ̆ tơrlah ù uă gơtìp tàm bơnơm Cấm, càr Bình Định lài do tàm nhai 11 nam 2021 neh lơh gơbồr rơlao 40 nơm hìu, pơhìn tus rài kis bơh git nđờ rơhiang nă làng bol. Tus tŭ do, rơlao 40 hìu làng bol gam lơh hìu pa tàm ƀòn ơm kis pa, rơhời lơngăp lơngai rài kis lài mờ kàl mìu càl dờng.

VOV.K’Ho- Ngai 16/9, Sờh Niam chài, Tàp pràn să jan mờ Lòt nhơl càr Dăk Lăk pơgồp bal mờ Mpồl ling sền gàr tiah nhàr lơgar càr, Anih duh broă Làng bol ală sàh Ia R’vê mờ Ia Lốp bơyai lơh pơrjum bè broă lơh yal tơngĭt jơnau lơh broă mờ lơgar ndai, mblàng yal gơnoar tờm tiah nhàr lơgar nam 2026.

VOV.K’Ho- Mpồl lòt jòi, rồ tơrgùm ƀồc ntìng cau ling chơ̆t màng tàm sàh Đặng Thùy Trâm, càr Quảng Ngãi pa gĭt gŏ 3 ƀồc ntìng cau ling chơ̆t màng bal mờ uă phan lời wơl.

VOV.K'Ho - Tơnơ̆ 90 ngai lam lơh, Broă lơh dờng kah rơngal cau chơ̆t màng “Hòi măt ală sơrmañ dà lơgar – 2026” dờp geh rlau 11 tơmàn đong, uă rlau 3,6 dơ̆ pơndrờm mờ jơnau kờñ bơh chờm (3 tơmàn đong), ndrờm mờ mờr 70 rbô dơ̆ dong kờl.

VOV.K’Ho- Tơnơ̆ mờr 2 nhai lam lơh kham pràn kơldang jơh gùt làng bol, gah lơh sơnơm càr Dăk Lăk neh kham ờ sa priă geh rlau 2 tơlak nă cau in.

VOV.K'Ho- Càr Khánh Hoà lơh ngan pơlam kơnòm bơsram lòt bơsram wơl bơh tàm bồ nam bơsram, mờ lơh jăt ală broă dong kờl mờ bơcri priă lơh niam wơl hìu bơsram, ơdŭ bơsram nàng tơrmù bơta ờ ndrờm bal broă bơto bơtê tàm ală tiah, lơh jăt mùl màl jơh Jơnau lơh nền tàm pơrjum sồ 71 bơh Bộ Chính trị dê bè broă lơh pràn broă bơto bơtê mờ bơsram.

VOV.K’Ho- Anih duh broă Làng bol càr Khánh Hòa pa bơyai lơh Pơrjum sền swì cồng nha lam lơh “Broă lơh dờng 500 ngai mang” lòt jòi, rồ tơrgùm mờ đal git mat ƀồc ntìng cau chơt màng; sền wơl broă ai mẫu ƀồc ntìng cau chơt màng mờ lam lơh kơnòl broă tàm tơngai tus.