Tơnơ̆ tơmut bal, càr Dăk Lăk geh rlau 3 tơlak 300 rbô nă cau. Lơh jat Jơnau lơh nền tàm pơrjum sồ 72 Ƀộ Chính trị dê, Anih duh broă Làng bol càr Dăk Lăk neh ai 400 tơmàn đong nàng lam lơh kham pràn kơldang să jan jat tơngai pơrgon, sac rơ wah ờ sa priă ai jơh gùt làng bol in.

Tŭ do neh geh 2 tơlak 80 rbô nă cau lòt tus ală anih kham sơm kòp nàng kham, geh rlau 67%. Ală ƀòn lơgar geh khà làng bol lòt kham uă rlau mờ khà kờp bal là ală sàh Sông Hinh, Tây Hòa, Ea Rôk… Nàng lơh geh cồng nha do, càr Dăk Lăk neh bơt bơtàu broă rơndap lơh mùl màl bơh càr tus thôn, ƀòn; gah lơh sơnơm mờ gơnoar atbồ ală kâp bal mờ gơp lơh ngan. Tŭ do, càr Dăk Lăk gam lam lơh uă mpồl kham ntrờn làm bă tiah tàm ală ƀòn lơgar tiah sar lơgar ngài, tiah kal ke, tiah nhàr lơgar, lơh ngan lơh gơs broă lơh kham pràn kơldang jơh gùt làng bol in tàm nam do.