Tàm Ƀlàng tơ̆p ƀồc Cau chơ̆t màng Ninh Thuận, sàh Xuân Hải, càr Khánh Hoà, ală cau ala măt jơh nùs ki ngàm kun bồ pơdơng bơkàu, chu ñàng kah kơlôi ală cau neh phi să tài lơngăp lơngai is, khăt gơboh is bơh Dà lơgar tờm dê. Tơnơ̆ dơ̆ bơyai lơh kah pơrlai mờ dồ phuk kun bồ kah kơlôi, 25 ƀồc ntìng cau chơ̆t màng geh tơ̆p jăt broă lơh ờs mờng dờng màng ngan. Bơh tŭ lam lơh broă lơh dờng “500 ngai măng lơh pràn lơh jăt lòt jòi, rồ tơrgùm mờ sền swì gĭt nền loh làng sơnam deh măt sơnđan ƀồc ntìng cau chơ̆t màng dê”, càr Khánh Hoà neh rồ tơrgùm geh 84 ƀồc ntìng cau chơ̆t màng. Cồng nha do geh bơta pơgồp bal đah mpồl lơh broă ling klàng, ală anih lơh broă geh gơnoar, gơnoar ătbồ ƀòn lơgar mờ làng bol tàm yal tơnggit jơnau, cau lơh cơng, tềl lời wơl rài tam lơh ală lơgar, drơng lùp loh làng wơl anih geh ƀồc ntìng cau chơ̆t màng.

Càr Khánh Hoà pơn jăt tai lơh pràn lòt jòi, rồ tơrgùm mờ sền swì gĭt nền loh sơnam deh măt sơnđan ƀồc ntìng cau chơ̆t màng, pơnđơl ai ală cau neh phi să gam wơl tàm tiah tam lơh yau rê wơl anih ơm rlô bĭc, lơh geh jơnau kơ̆p kờñ sùm bơh cau pròc mhàm mờ hìu bơnhă ală cau chơ̆t màng dê.