Ù tiah Ling tiah 7 geh: ƀòn dờng Hồ Chí Minh, Đồng Nai, càr Lâm Đồng mờ Tây Ninh. Tàm Broă lơh dờng 500 ngai măng, Ling tiah 7 geh jàu rồ tơrgùm 900 ƀồc ntìng cau chơ̆t màng tàm tơngai 1 mờ 1 rbô 500 ƀồc ntìng ai jơh gùt broă lơh dờng in. Tus tŭ do, jơh gùt Ling tiah 7 neh rồ tơrgùm geh rlau 1 rbô 600 ƀồc ntìng cau chơ̆t màng.

Tàm broă lơh sền swì gĭt nền loh làng sơnam deh măt sơnđan cau chơ̆t màng dê, Ling tiah 7 neh jơh lơh rồ, ai 30 rbô 650 mẫu sinh phẩm tơl bơta drơng jăt sền gĭt nền ADN. Lâm Đồng là ƀòn lơgar lơh sir gờñ ngan, tàm ngai 12/08. Ling tiah 7 kung jơh lơh sồ jơnau tơnggĭt tàm 58 ƀlàng tơ̆p ƀồc cau chơ̆t màng, lơh geh ală jơnau tơnggĭt drơng ătbồ mờ sền swì gĭt nền loh làng sơnam deh măt sơnđan ală cau chơ̆t màng dê. Tŭ do, ală mpồl gam pơn jăt tai lùp nàng gĭt nền jơnau tơnggĭt mờ lơh jăt broă lơh lòt jòi ƀồc ntìng cau chơ̆t màng.