VOV.K’Ho- Tàm ală nam do, Ling mpồl 15 (Ƀộ Ling klàng) sùm sền gròi tus broă lơh bơto bơtê mầm non tàm ù tiah kwơ màng Tây Nguyên. Nàng lam geh oh kòn làng bol ală jơi bơtiàn in tus tàm hìu bơsram, Ling mpồl neh tơrgùm priă jền bơt bơtàu tiah bơsram sră niam ngan ai ală sau in iang nùs lòt bơsram.

VOV.K’Ho- Mho òr (18/11), tàm sàh Ia Krel, càr Gia Lai, Ling mpồl 15 (Ƀộ Ling klàng) bơyai lơh sơn đờm ai ngui mờ jàu Hìu bơsram Mầm non sao Mai pà pơgru mờ kơnòm bơsram sàh Ia Krel, càr Gia Lai in.

VOV.K’Ho – Pơn jat tai dơ̆ pơrjum dơ̆ 10, poh lài, Quôk hội neh ring bal 2 Jơnau lơh nền tàm pơrjum kuơmàng ngan, hơ̆ là Jơnau lơh nền tàm pơrjum bè broă rơndap lơh bơtàu tơnguh lơh sa – mpồl bơtiàn nam 2026 mờ Jơnau lơh nền tàm pơrjum bè kờp dŭ tă dơ̆ ngui kes priă dà lơgar nam 2026. Pal sền gròi, jơnau kờñ gơguh lơh sa nam 2026 geh Quôk hội jàu bơh 10% rlau hơđang, priă lơh geh kờp bal dùl nă cau geh bơh 5 rbô 400 tus 5 rbô 500 dolar Mỹ.

VOV.K’Ho- Tàm uă nam do, tàm càr Gia Lai, bơdìh mờ kơnòl broă crăp rcang lài tam lơh mờ bơtàu tơnguh lơh sa sền gàr Dà lơgar, ală mpồl ling klàng neh lam lơh uă broă lơh hòi jà làng bol chài, tam pà bal kal ke, dong làng bol bè ờs broă lơh sa, nàng tơnguh uă bơta niam rài kis. Bơta do kung neh lời wơl tềl lời wơl jrô ngan, sơlơ lơh niam rlau tai nùs nhơm tam klăc bal đah ling klàng mờ làng bol tàm tiah do dê.

VOV.K’Ho- Mho òr (11/11) tàm Ƀlàng tơ̆p ƀồc cau ling chơ̆t màng Chư Prông, Anih duh broă Làng bol càr Gia Lai bơyai lơh ies mờ tơ̆p 18 ƀồc ntìng cau ling chơ̆t màng chơ̆t phi să tàm rài tàm lơh tam dră mờ bol sò tơm Mỹ.

VOV.K'Ho- Pa do, Phó Thủ tướng ồng Hồ Quốc Dũng neh lòt còp, pà phan cau gơtìp gơrềng bơh dơ̆ mìu càl dờng sồ 13 tàm ală sàh đah măt tơngai Lik càr Gia Lai.

VOV.K’Ho- Tàm Dơ̆ pơrjum dơ̆ 10, Quôk hội khoă XV, Quôk hội neh cribơyai tàm Jơnum bè Rơndap lơh Adat tam gơl, bơtơl bàr pe bơta bơh 15 adat boh lam tàm gah broă lơh sa suơn sre mờ tiah ơm kis. Dùl tàm ală tơngume geh uă cau ala mat sền gròi uă ngan là tam pà kâp uă ai ƀòn lơgar in tàm atbồ ròng phan, lơh sơnơm phan ròng nàng kờñ gàr bơta crăp rơcang, ngac ngar tàm broă atbồ, pơgồp bal mwò kơnòl bơh gơnoar atbồ ƀòn lơgar dê, mờ kung bơsong ală bơta gơ kòl bơh ngan ngồn lam lơh tàm tơngai lài.

VOV.K’Ho- Gah Kwang àng càr Gia Lai gam lơh pràn broă lơh bơto bơtê, pơrlòng, lơh sră măi rơndeh khà A1 ờ sa priă ai làng bol jơi bơtiàn dồ êt nă cau geh rài kis kal ke, alfng bol tàm tiah sar lơgar ngài, tiah nhàr lơgar tàm càr in. Broă do nàng kờñ tơnguh jơnau git wă ai làng bol in pơgồp bơnah tơrmu ƀà rềs àr gùng lòt tàm tiah jơi bơtiàn dồ êt nă cau.

VOV.K’Ho- Lơh jat broă lơh gơnoar atbồ ƀòn lơgar 2 kâp, Củ tịc Quôk hội ồng Trần Thanh Mẫn đơs là, tàm bơta gam uă kal ke, ală ƀòn lơgar kờñ pal kràñ cê lơh jat tam gơl sồ, ngui jak chài măi mok, nàng cau dồ êt, mơya broă gơlòt sùm.

VOV.K’Ho- Tàm Dơ̆ pơrjum dơ̆ 4 (mìng dùl tơngume) càr Gia Lai khoă XII ngai 27/10, Mpồl duh broă Làng bol càr Gia Lai neh ring bal Jơnau lơh nền tàm pơrjum cih broă lơh dong kờl gàr kơ̆ rài kis gơ wèt mờ cau lơh ka geh ơhò lơh ka ờ geh tơl ală bơta jat jơnau sồr nàng kup phan tàm dà.